Page 20 - CMB

14 AWEMainta Diahuebs, 26 Juli 2018

CIBC FirstCaribbean ta organisa

Evento di baile pa recauda fondo p’e

“Fundacion Contra Cancer di Prostaat”

CIBC FirstCaribbean e aña aki ta organisa
un biaha mas evento pa recauda fondo p’e
“Fundacion Contra Cancer di Prostaat”.

E prome evento aki na Aruba tin como nomber
“Dance for the Cure”. Esaki lo tuma lugar riba
diarazon 29 di augustus, 2018 di 6:30 pm pa

8:00 pm n’e parkeerplaats di e banco mes, cu ta
localisa banda di e rotonde di Tanki Flip.
Pa bo persona por ta parti di e gran evento aki

por cumpra ticket dor di yama 522-5600.

Durante e anochi di 29 di augustus 2018,
diferente instructor cu tin diferente habilidad
di baile lo comparti nan conocemento cu e

participantenan.
N’e mesun momento e participante lo disfruta

di un anochi agradabel pa kibra siman y alabes
lo yuda CIBC FirstCaribbean pa contribui na
nos comunidad.

CIBC FirstCaribbean ta invita e comunidad
pa keda pendiente pa mas informacion di e
instructornan y e ritmonan di baile cu nan lo

bin cu ne.

E sucursal di CIBC FirstCaribbean localisa na

Aruba no t’e unico haciendo eventonan pa
recauda fondo pa un organisacion di cáncer,

pero tur e sucursalnan cu tin den Caribe.
Tur e eventonan lo termina cu e gradioso “Walk
for the Cure”, unda cu e participantenan di e

islanan unda cu CIBC FirstCaribbean ta localisa,
lo haci esaki simultáneamente.

Tur e fondonan recauda di cada evento lo bay
na fundacionnan cu ta yuda combati cancer,
haci estudio y trece conscientisacion den e

comunidad.

CIBC FirstCaribbean su team ta invita e

comunidad di Aruba pa ta parti di e gran obra
aki, y sigur pasa un rato agradabel y deportivo.
Pa mas informacion y tickets por yama 522-

5600, semper pro sigui CIBC FisrtCaribbean
riba Facebook of tambe por pasa n’e sucursal

situa banda di e rotonde di Tanki Flip.