Page 77 - KPA 27 OCT 2015
P. 77
TGO un team special di Polis cu a keda lanta
pa busca sospechosonan di atraco
on: October 26, 2015In: LocalNo Comments
Print Email
Relaciona cu e atraco fuerte y bruto na Excelsior Casino situa de Holiday Inn Hotel mando
policial y ministeri publico a dicidi na lanta un team yama TGO. Cual ta e team cu lo encarga cu
casonan serio y e.o e atraco di dialuna mainta caminda ta buscando tres sospechoso peligroso su
posibelmente lo por ta riba caya ainda.
Tur cos a cuminsa pasa di 7’or di mainta mas cu 5 trahado den e casino a keda sorprendi pa tres
hende homber no tabatin cara tapa y cu arma di candela den man a drenta pa comete atraco. E
atracadornan aki a mara cada un trahado cu tyrap y scondenan patras. Mientras cu nan a
desactiva e camara di seguridad y asina bay unda e placanan y horta un botin basta grandi. Ta ser
papia di riba 100.000 dollar. E victimanan a pasa den trauma di nan bida y wordo maltrata pa e
atracadornan cu a dalnan cu cabo di arma na nan curpa y tambe a menasa di lo zaag pia di e
victimanan.
Polisnan a yega pasa di 8’or di mainta ora nan a haya e yamada telefonico via 100, a despacha
unidadnan di noord y recherche y asta Alto Comisario di Polis Sr Richard a presenta pa e ta na
altura di e sucedido y ponen un team special di polis encargo di e caso aki. Recherchenan a tuma
un parti di e grabacion den beslag y asina cuminsa cu e investigacion durante dia, y Ministeri
Publico a duna orden na Cuerpo Policial pa lanta un team cu varios recherche aden pa yega na e
sospechosonan. E team yama TGO aki ta trahando duro y cualkier hende cu tin tip por yama e
liña cu ta keda confidencial 11141.
