Page 81 - KPA 27 OCT 2015

Number di auto nobo pa 2015 a caba
temporalmente

Posted on 10/27/2015 11:27 am AST | Updated on 10/27/2015 12:23 pm AST

ORANJESTAD – Number di auto pa 2015 a caba temporalmente. Vocero di SIAD Meverly
Romano a confirma pa NoticiaCla.com cu un situacion in usual a surgi siman pasa pa dos
dia unda cu no por a registra nummerplaat nobo pa automobilistanan. Ta trata di
personanan cu sea a cumpra auto nobo y cu no tin plachi ainda of simplemente kier a
cumpra un number extra. E situacion mientrastanto a keda atendi unda cu mientras cu
awor por registra number, e automobilista ‘ainda’ no por ricibi esaki si.

SITUACION DIAHUEBS

Tabata diahuebs siman pasa cu clientenan nobo a bin pidi number nobo pa e motibonan conoci
caba. “Dado momento nos reserva a caba. Nos tabata bezig caba cu e tramite pa extra bestelling
pa number, pero e momento ey e tramitenan ey no tabata cla ainda” Romano a sigui bisa. Como
tal no por a duna e clientenan e momento ey, un number. Esey a sosode riba diahuebs y
diabierna.

BESTELLING PA NUMBER

Mientrastanto a haci e bestelling y entrante dialuna mainta SIAD a cuminsa yama e clientenan pa
nan bin bek pa por a registra nan y duna nan un carta cu ta autorisa nan pa nan mes traha un
plachi temporal (valido pa 30 dia), te ora cu e plachi di number mes yega Aruba. E ora lo yama e
cliente pa e bin busca e plachi. E ta un situacion in usual, unda cu tin un demanda asina grandi pa
number di auto, cu a pone cu numbernan di reserva, y numbernan no busca di e aña anterior a
wordo bendi. Ta trata di un cantidad di entre 1000 pa 3000 number extra cu a wordo bendi cu a
pone cu SIAD a haye den un situacion asina. Mientrastanto a bestel 600 number extra cu ta yega