Page 51 - MIN ARENDS
P. 51
Armand Hessels: “Biba Eleccion”!
16 August, 2017
0
Siman pasa mi a bolbe for di exterior. Mi tawata tur babuca. Tur caminda hopi
actividad a pesar di e temperatura sofocante. Construccion di rotonde na varios
caminda. Caretera grandi, pero tambe caminda chikito den cunucu na unda pa
basta aña caba habitante sa come stof. Simpelmente asfalt riba e tera di
caminda bieu di santo. Pues no poni pa bida largo. Pero wowo tambe kier algo,
maske ta pa tempo hopi cortico. Y bandera, tur caminda bandera. Un bista
alegre cu ta suavisa e imagen di caretera habri tur caminda.
Di mes e pregunta: di unda tur e actividad, y tur esey pareu? Y tur hende ta
canta den coro: “Ta tempo di eleccion”! Tur hende sa di biaha kico por spera e
simannan benidero: caretera y rotonde cu ta habri consecutivamente cu e buya
necesario; edificio cu ta inaugura, aunke nan no ta full cla ainda; prome piedra
