Page 52 - MIN ARENDS

pa proyecto nobo cu mester trece e prosperidad necesario pa pueblo; un
aumento inespera di sueldo minimo y mas cos asina. Manera di custumber
tambe ta saca e posibel exploracion di crudo y gas for di kashi. Segun un plan

minusiosamente elabora ta proyecta tur cos di tal manera cu e ultimo 3
simannan prome cu campaña por presenta tur dia un hazaña nobo. Exito ta

sigura!
Naturalmente tin otro pregunta tambe: for di unda ta saca e placa pa paga tur e

gastonan aki? A presupuesta y planea tur e cosnan aki? Tur esaki ta forma parti
di campaña pa mustra cu gobierno ta traha di berdad? Pasobra si en berdad tin

placa, pakico anto Ministro di Finansas (MinFin) a manda un carta pa tur
director di departamento cu entrante 31 di Augustus ta para tur obligacion nobo
riba tereno di Bienes y Servicio? Esey ta implica cu e ultimo 4 lunanan di aña

ningun servicio (cu excepcion di Enseñansa) por haci compra pa por funciona
debidamente. Esey ta nifica tambe cu no tin placa mas of cu ta gasta e ultimo

placa disponibel na un manera alternativo, por ehempel den cuadro di eleccion.
Y si esaki di berdad ta forma parti di e campaña electoral di e partido di

gobierno, anto no ta asina anto cu en realidad e ta abusa di placa di pueblo pa
impresiona e pueblo electoral? Y ki consecuencia tin si no a presupuesta e tipo

di gastonan aki di antemano?
Di otro banda esaki ta nifica pa (un parti di) pueblo cu por fin ta yega un fin na
gulimento di stof y e espera largo pa permiso of otro privilegio. Awor por ‘regla’

hopi. E unico malasuerte ta cu den e mesun carta di e MinFin ta para cu e
mesun limitacionnan tambe ta conta pa nombracion di personal nobo. Sin duda

‘politica’ lo inventa solucion creativo p’esaki tambe den cuadro di eleccion. Ya
caba a tuma un adelanto, nombrando hende den servicio di gobierno cu tabata

traha a base di contract.
Pero…tin mas: di un momento pa otro hende ta descubri cu nan ta preocupa

nan mes cu futuro di nan pais. Den esey no ta trata solamente di idealista, pero
tambe di hende cu a ripara cu ‘politica’ ta ofrece mas cu un puesto laf y un
entrada mediano den gobierno. Esey ta inclui persona cu por ta sigur di e

votonan di nan coleganan cu lo ta contento pa weg nan cu nan voto pa motibo
cu nan no ta funciona den nan departamento. Lubidando cu nan por causa mas

daño den un funcion cu mas responsabilidad.