Page 29 - AM220929

Diahuebs, 29 September 2022 AWEMainta
CAP kier contribui mas na adelanto di
Corsou su aeropuerto y comunidad
WILLEMSTAD - Curaçao Airport Partners su Presidente
nobo di Hunta di Directiva, Sr. Fábio Russo Corrêa, kende ta
alabes Director Ehecutivo di CCR Aeroportos, cu ta CAP su
accionista mayoritario, hunto cu e Director Ehecutivo nobo
di CAP, Sr. Jonny Andersen, recientemente a bishita dife-
rente mandatario local.
E presidente ta di bishita na Corsou for di Brazil.
Durante e reunionnan, e lidernan aki di CAP a papia tocante
e compania su plannan pa drenta un era nobo di desaroyo y
crecemento, mientras nan ta prepara pa duna un direccion
nobo na e organisacion. Nan a indica cu e pandemia, cu a
laga CAP pasa den un periodo hopi dificil, a sirbi pa duna un
perspectiva nobo, y e determinacion pa introduci e cambi-
onan necesario y implementa ideanan innovativo y iniciati-
vanan pa aeropuerto por ta miho prepara pa futuro.
P’esey CAP a cuminsa cu un proceso strategico di 100 dia
pa determina un rumbo nobo pa e compania y duna guia pa
move den direccion di su metanan pa e proximo 5 añanan.
E strategia aki ta plania pa keda finalisa na medio november
2022 y keda presenta na e Hunta di Directiva pa aprobacion.
Ora e proceso aki keda completa, e Presidente di e Hunta di
Directiva tin intencion di biaha bin Corsou atrobe pa presenta
e strategia nobo na gobierno.
E Hunta di Directiva ta planeando pa ta mucho mas envolvi
CTB ta lansa:
Turismo como materia pa scol di fundeshi y scol special
WILLEMSTAD – Riba Dia Mundial di Turismo, Oficina di
Turismo di Corsou (CTB) a lansa turismo como materia pa
scol di fundeshi y scol special. Esaki despues cu aña pasa
riba e mesun fecha a lansa e trayecto di preparacion di e
diferente materialnan.
Introduccion di turismo como materia na scol di fundeshi lo
yuda amplia nos muchanan su conocemento riba e impor-
tancia di turismo pa nos pais. E lansamento oficial a tuma
luga na Coromoto College y no por a falta cu presencia di
mandatarionan cu ta competi cu otro cua ta saca foto pa
manda corant.
Lo introduci e materia di turismo den grupo 5 di scol di
fundeshi y den scol special. Despues di evaluacion lo sigui
29
Corsou
cu CAP y contribui bastante mas na aeropuerto di Corsou
y e comunidad di Corsou. E intencion ta pa surpasa loke
ta rekeri conforme DOMA, e acuerdo di licencia pa opera e
aeropuerto.
Por ehempel, e Hunta di Directiva kier contribui na haci nos
aeropuerto mas acohedor, sostene desaroyo di trafico aereo
incluso un aumento den transporte aereo di carga, y tambe
enfoca riba aviacion electrico cu mira riba sostenibilidad y
futuro crecemento.
Tin tambe plannan pa implementa un campaña di mercado
internacional na Brazil, p’asina sostene y fortalece turismo
riba nos isla.
Esaki kiermen cu e Hunta di Directiva ta desea un rol mas
activo den desaroyo di aeropuerto, y funciona como un
partner pa CAP.
pa grupo 6 y 7.
E material cu ta drenta scol ta consisti di un serie di video
interactivo hunto cu un buki di guia pa e docente y buki di
tarea pa e muchanan.
E prome 5 videonan ta trata e siguiente topiconan: kico ta
turismo y ken ta turista, ban bishita un hotel, mercado y
promocion, atraccionnan turistico y importancia di haf.
E comision di trabou cu a traha riba e diferente materialnan
ta consisti di 4 docente, un trahado social y representan-
tenan di CTB.
Introduccion di turismo na scol di fundeshi y scol special
lo yuda pa for di edad hoben nos muchanan sa e impor-
tancia di turismo pa nos pais Corsou y tambe haya gana pa
despues scoge pa bay labora den e sector dinamico aki.