Page 35 - kpa sept 4,2015

AWEMainta Diabierna, 4 September 2015 3

Grupo siguidor di MEP

Ta demanda libertad inmediato pa mas tarda awe di e
detenidonan den caso di Parlamento

MEP ta califica nan como presonan politico

TIN ora bo ta kere cu tin hende kier converti Aruba den un

Republica di Banana, unda ley no ta conta pa nan. Hasta nan
ta kere cu nan ta para riba ley.
T’asina cu den curso di ayera, un grupo (cu ta gusta violen-
cia y hasta por bisa ta un grupo di terorista) lo a manda un
mensahe, cu pa mas tarda awe, nan ta demanda pa tur e
personanan (5) cu a keda deteni siman pasa, pa nan actonan
na Parlamento, pa Ministerio Publico laga nan den libertad
di inmediato.

Nan ta di argumento, cu 8 dia pa detencion preventivo a pasa
y cu Ministerio Publico no tin nada mas contra di nan y cu no
mester tin miedo di ripiticion y como tal nan mester haya nan
libertad. A ser bisa na nos redaccion, si Ministerio Publico no
duna e 5 personanan deteni nan libertad, den curso di awe
tardi, lo tin un manifestacion di un grupo di siguidornan di
MEP, dilanti di Ministerio Publico.

Manera un observador a duna nos di conoce, cu e practica
aki ta un capitulo bieu di e draaiboek di MEP, cu manera ta
conoci, despues di un reunion publico na Noord, tur MEPista
a bay Playa, protesta y demanda di Warda di Polis na Playa,
pa demanda libertad di dos sindicalista cu a keda deteni.
Despues e hendenan aki a cana bay cas di Fiscal na Maria
Christinastraat, y a demanda p’e Fiscal di Ministerio Publico
laga e dos sindicalistanan den libertad. T’asina augustus scur
a cuminsa na 1977.

Interesante pa wak con Ministerio Publico ta bay reacciona
riba e “menasa” aki, pasobra otro no por yam’e. Ningun
hende no por para riba ley, tampoco na Aruba!!!

PRESO POLITICO
Mientrastanto ayera nos a haya un apelacion cu a wordo
haci durante dia di ayera, cu ta bisa textualmente: “No por
tin pas, si bo tin presonan politico keto bay deteni...
Invitacion: Pueblo di Aruba ban asisti n’e manifestacion awe
(ayera) tardi, ban duna sosten moral n’e 5 detenidonan cu a
para na defensa di nos autonomia!!!!”

E manifestacion aki tabata planea pa ayera tardi, for di 5pm
pa 6.15pm na Centro di Husticia na Macuarima. Si e mani-
festacion aki a sigui, no ta conoci pa nos. Pasobra tur esaki
lo mester a tuma lugar, net na momento cu dilanti di Par-
lamento di Aruba, tabata tuma lugar un actividad solemne,
pa gradici Todopoderoso pa pueblo aki por sigui biba den
paz y den union.
Si no a logra e meta ayera tardi, e intencion lo ta pa manifesta
awe na Ministerio Publico.