Page 8 - KPA JUN E 22,2015

Kustwacht a revela cu e total di droga abordo di “La
Patrona” ta 18 kilo

Publication: Monday, 22 June 2015. Categoria: Policial

ORANJESTAD (AAN): Esnan cu ta trahando na Kustwacht a haya e tarea pa haci un
investigacion mas profundo den e speedboat “La Patrona”.
Y aki a bin descubri mas pakete bon scondi abordo.
En total pues, e cantidad di droga abordo di La Patrona ta 18 kilo. Siete persona a keda deteni
relaciona cu esaki.
Tur cos a cuminza durante un control inicial di e speedboat “La Patrona” door di Douane den
waf di Barcadera. Aki a bin haya na comienzo, 4 kilo di Cocaina scondi den handbag di un di e
ocupantenan.
Esey a pone cu a detene e capitan, su miembro di tripulacion, y cinco pasahero encuanto
violacion di ley di droga, y a confisca e Speedboat.
Riba peticion di Douane, Kustwacht a hiba e Speedboat pa Steunpunt na Savaneta, y aki a bay
haci un investigacion mas profundo. Asina a bin haya 14 pakete di como 1 kilo cada uno, bon
scondi abordo. Nan tur a keda confisca.
E paketenan aki a ser entrega na Unidad di Criminalidad Organiza pa sigui cu e investigacion.
http://www.diario.aw/2015/06/kustwacht-a-revela-cu-e-total-di-droga-abordo-di-%E2%80%9Cla-
patrona%E2%80%9D-ta-18-kilo/