Page 9 - KPA JUN E 22,2015
P. 9
Polis a caba cu fiesta di ladronicia den area di Noord
Publication: Monday, 22 June 2015. Categoria: Policial
ORANJESTAD(AAN): Ta parce cu Polisnan a logra para un berdadero fiesta di ladronicia, cu a
afecta varios victima pero cu a termina posiblemente den un final feliz.
E ladronnan, di nacionalidad Latino Americano, ta tras di tralie y gran mayoria di e articulonan
horta ta den man di husticia. Polis a logra gara ambos sospechoso diasabra alrededor di 1:30 pm
ora cu nan a bay entrega e auto di huur back.
Ta for di Diasabra caba e drenta informacion di un grupo profesional di ladron mobilisando riba
nos isla, specificamente den area di Palm Beach.
A señala e duo aki na Paseo Herencia caminda nan a horta diferente tienda. Diasabra nan a sali
cu tur e mercancia horta, cu plan pa sigui cu nan fechorianan pero no a conta cu Polis lo logra
gara nan. Diasabra merdia ora nan a yega Jay’s Car Rental situa na Wayaca pa entrega e auto V-
2343, nan a topa cu Polis wardando riba nan.
Y ora a habri nan maletanan, a topa cu un cantidad di articulonan horta.
