Page 11 - MIN VOS 18 NOV 2015
P. 11
26 AWEMainta Diaranson, 18 November 2015
Barracudas
Synchro cu talento
nan nobo!
DIASABRA ultimo, Barracudas Aruba, a tene e prome di
diferente test pa Diplomanan, entre e grupo di atleta cu apenas
a cuminsa cu e deporte aki, e asina yama “BEGINNERS”.
Barracudas Aruba t’e unico grupo di landamento sincronisa
aki na Aruba. E club tin alrededor di 40 atleta activo cu ta
practica entre 3 te cu 5 bes pa siman den piscina. Fuera di esaki
e atletanan mas avansa tambe ta train den gym.
E grupo di “Beginners” a haci nan prome test p’e aña aki. E
atletanan aki tin apenas 3 luna den e deporte aki. Cu cada
Diploma e tecnica y figuranan ta bira mas dificil y complica, y
ta bira mas dificil p’e atleta! E muchanan a haci nan best y tur
14 atleta a logra pasa nan test cu exito. E cantidad minimo di
punto cu e atleta por score ta 20 y e maximo ta 30 pa e test aki.
Un palabra di pabien p’e Beginners cu nan “Star Diploma nr 1”.
Durante e prome aña e atletanan aki tin 4 biaha oportunidad
pa logra un Diploma mas.
Semper por sigi e Barraucudas Synchro ariba Facebook tambe!
