Page 13 - MIN TTC 30 MAART 2016

Minister Otmar Oduber a mustra preocupa cu dunamento di

tereno pa cierto tipo di hotel

Publication: Tuesday, 29 March 2016. Categoria: General

ORANJESTAD (AAN) – Durante e conferencia di prensa cu Minister Otmar Oduber a tene, Diaranzon cu a pasa, a
surgi algun pregunta di prensa.
E minister a wordo puntra tocante e hotelnan cu na e momentonan aki ta den construccion den areanan unda ta
suppose no e tipo di proyectonan asina no por bin, y cu por cierto, ta un di e nuebe puntonan cu el a pone den su
carta pa Gobernador, na momento cu e tabata dispuesto pa tuma su retiro.
Minister Otmar Oduber a manifesta su preocupacion tambe, al respecto. E dignatario a duna di conoce cu ora el a
bolbe Aruba despues di su estadia na Hulanda, el a tuma contacto di biaha cu Minister Presidente y e lo papia cu
Minister Sevinger, tambe.
“Mi ta hopi preocupa! Pasobra e maneho no por ta uno cu ta dirigi di un banda door di ATA, pa tin e turismo di
calidad na Aruba, y e estrategia ta asina tambe y cu compara cu loke tabata tin diez aña pasa awor tin un calidad
hopi superior, y di otro banda ta sigui duna tereno na cadenanan cu no ta contribui na esaki”, segun e dignatario.
Minister Oduber a indica cu no por ta asina cu gobierno a pone como compromiso cu ta bay crece cu nuebe
porciento anto e mesun gobierno aki ta duna permiso na cadenanan hotelero cu no ta contribui cu esey.
E dignatario a splica cu esun menciona pa e reportero ta un di nan, pero tin mas. Tin na Bubali, el a wordo notifica
cu tin un proyecto mas na Palm Beach, pues ta tres cu recientemente el a wordo informa.“Simplemente e no ta
corecto”! Minister Otmar Oduber a expresa.

http://www.diario.aw/2016/03/minister-otmar-oduber-a-mustra-preocupa-cu-dunamento-di-tereno-

pa-cierto-tipo-di-hotel/