Page 38 - DE MEZA_Neat
P. 38
10 AWEMainta Diaranson, 3 Mei 2017
Diadomingo awo, 7 di mei
Experience San Nicolas ta continua cu
Mother’s Day Edition for di 10’or pa 2’or
EXPERIENCE San Nicolas, un evento cu kier
duna mas atencion na e experiencia unico cu tin na
San Nicolas, lo tuma lugar un biaha mas diadomingo
7 di mei binidero di 10’or di mainta pa 2’or di mer-
dia. E biaha aki Experience San Nicolas lo ta den
cuadro di Dia di Mama, ofreciendo tur bishitante
e oportunidad pa cumpra e regalo special pa tur e
mamanan na Aruba y tambe participa na diferente
workshop special cu e tema di Dia di Mama.
Cosecha lo bay tin un workshop di Origami (arte
cu papel). E artista Derek Chong lo guia e grupo di
participante pa traha un bunita bouquet di flor pa
mama. Tur famia y gruponan di amiga ta invita pa
bin traha bouquet di flor y tambe cumpra obranan
unico pa regala mami.
Y participacion na e workshop ta completamente
gratis.
Na Museum of Industry lo bay tin tournan special
pa nos mamanan na mita di prijs y den colaboracion
cu Espacio Azul y ATEMOSA lo ofrece un workshop
di Mosaic special cu tema di Dia di Mama duna pa
sra. Enrita Werleman.
Pa reserva pa e workshop por registra yamando
5935509 of via info@espaciozularuba.com. Partici-
pacion na e workshop ta consisti di material, drinks,
snack y tambe entrada pa e museo.
E parti special ta cu tur mama cu bishita museo lo
participa pa gana un premio special na cortesia di
Aqua Nails Spa Aruba, The Old Cunucu House y Spa
del Sol. E ganadornan lo wordo anuncia dialuna 8 di
mei via e pagina di Facebook di Museum of Industry.
Gladys ta warda tur hende pasa bishitele na Com-
munity Museum pa un tour bek den tempo. Entrada
akinan lo ta na mita di prijs y tambe tin oportunidad
pa gana premio.
Probecha e diadomingo aki pa pasa un rato ameno
cu mami y siña mas over di nos herencia cultural. E
tiendanan y restaurantnan di semper lo ta habri riba
e dia aki na San Nicolas. Esakinan ta e. o. Wema, El
Gallo Rojo, Alankar, JM Enterprises, La Aruba, Joy’s
Restaurant, Aruba Store, Topaz Takeway y O’Niel
Caribbean Kitchen.
Subi e pagina di Facebook di Experience San Nicolas
y haya sa mas informacion di e edicion aki di Experi-
ence San Nicolas “Mother’s Day Edition”.
