Page 9 - BND MRCH 9

riba caya A9
Diaranson 9 Maart 2016

Celular ta wordo horta for di truck
di refresco

TANKI LEENDERT - Dialuna pa mas of menos 9’or y 15 di mainta, Central di Polis a
manda patruya na Colegio Ora Ubao, pa un ladronicia. Eynan a papia cu e homber A., kende a
declara cu e ta traha cu e truck di refresco y e ta trece e bebidanan den e scol. Ora cu el a drenta
bek e truck y tabata a punto di bay coy su celular, e no por a haya esaki El a bay bek na e scol,
pero e no a logra haya su celular. Di un of otro manera, su celular a wordo saca for di e truck.
E no kier haci denuncia. Central di polis a wordo poni na altura.

Varios tas cu comestibel den dje
haya benta abao

ORANJESTAD - Dialuna pa mas of menos 2’or y 20 di marduga, durante control, patruya
di Playa, na altura di CEDEHM, polis a nota varios tas benta abao. A bay controla den e tasnan
y a bin topa cu varios articulo, manera cuminda, cuminda di cacho entre otro. Tur e cumin-
danan cu polis a bin haya den e tasnan tabata procedente di Certified Supermarket. Haciendo
un control mas profundo, a bin topa cu un iPhone, modelo 6 color shinishi. Den e tas tambe
tabata tin varios cartera, sin ningun identificacion.
Den un di e tasnan sinembargo, a topa cu un cartera en particular, cu tabata tin ID di e recidi-
vista choller Florimond B. E celular y e tasnan a wordo hiba warda na Playa. Central a wordo
poni na altura.

Dama di edad mordi pa cacho na su pia

SAN NICOLAS - Dialuna, pa mas of menos 10’or di mainta, e dama E., di 79 aña di edad, a
yega na warda pa meld un cacho los. El a splica cu diasabra e tabata cana dilanti un adres den
Adolf van Nassaustraat, ora cu un cacho bruin a sali for di cura y a core bay riba dje y morde
e dama na su bil drechi. El a bay Poli di biaha pa tratamento medico. E tabata kier pa polis
papia cu e doño di e cacho. A bay na dicho adres, pero no a topa cu ningun hende. Polis mira
e cacho ta cana los. Nan lo a pasa un biaha mas pa papia cu un hende riba e situacion. Central
a wordo poni na altura.

Hortamento cerca di Bibliotheek

ORANJESTAD - Dialuna, pa mas of menos 5’or y mey di atardi, Central a dirigi patruya
na altura di Bibliotheek pa un hortamento. Eynan a papia cu e hobennan N. y J., kendenan a
declara cu nan tabata testigo ora cu un homber color scur, di mas of menos 1.70 di haltura, cu
cabey golf, a horta celular di nan amiga. E hobennan a duna un descripcion di e sospechoso,
kende tabata tin un camisa cora bisti y un carson cortico bruin. E sospechoso tabata core riba
un bicicleta cora chikito. A papia cu e victima G., kende a declara cu e tabata para pafo di e
Bibliotheek ora cu un homber a acerca su persona. E homber a puntra G. pa ora. Ora cu G. a
bay wak e ora riba su celular, e sospechoso a ranca e telefon for di dje. Tambe el a duna G. un
sla na su cabes, cu e consecuencia cu G. a cay abao y dal su cabes abao. Ambulance a wordo
poni na altura, a yega na e sitio y a trata e victima eynan mes. Despues a hiba G. hospital pa mas
tratamento medico. E mama di dje tambe tabata t’ey. Polis a manda e mama na departamento
di recherche pa nan bay duna keho. Central a wordo poni na altura.

Problema pa motibo di celular

SAVANETA - Dialuna, pa mas of menos 8’or y 15 di anochi, Central di polis ta dirigi patruya
na Savaneta pa un caso di ladronicia di un celular. Eynan a papia cu e hoben menor di edad A,
kende a declara cu e tabata na su tanta biba na Sabana Basora Noord y cu e tabata pafo hunto
cu su ruman homber.
Dado momento e recidivista “baby” Restrepo, hunto cu algun hoben mas riba bicicleta, a yega
cerca. Nan a para y a kita e celular for di nan y a menasa nan cu si nan bay polis of cerca e
mama, e lo wordo bat. Door di esey a bay na un adres den Sabana Basora Noord y a papia cu
e padrastro di “Baby”, y a declara cu e no tabata na cas.
Na altura di un otro adres na Sabana Basora Noord, a bin topa cu “Baby” y a detene den
cuadro cu ladronicia. E sospechoso a wordo presenta dilanti di fiscal auxilia y despues pasa pa
JZP. Central wordo poni na altura.

Homber desconoci den cas

NOORD - Dialuna, pa mas of menos 9’or y 44 di anochi, central a dirigi patruya na un adres
na Noord, pa un persona desconoci den cas. Eynan a papia cu e homber R., kende a declara
cu un persona desconoci a drenta e cas via un bentana. El a bisa cu su casa a scucha un zonido
duro ta bin for di su camber. Ora cu a bay wak, el a mira un homber desconoci ta bulando
bentana y core bay. E no por a wak bon ken e desconoci ta of con e tabata bisti. Ademas di esey
el a wak cu e bentana a wordo kibra pa e homber desconoci. Durante investigacion, polis a
nota algun lastro. Datonan a wordo haya y Central di polis a wordo poni na altura.