Page 10 - AM200602
P. 10
10 AWEMainta Diamars, 2 Juni 2020
Discussion di pareha a bay for di
man y Polis a detene e homber
DIADOMINGO algo despues di 9’or di anochi,
presencia di Polis a wordo pidi na un cas na Babijn pa
un problema di pareha cu a bay for di man. E homber
a bira agresivo tabata kier a kibra tur cos den cas.
Na yegada e agentenan policial a bin nota cu e prob-
lema di pareha no a caba. Tambe nan a nota cu e
homber tin un corta grandi na su man drechi.
Na prome instante Polis a bay papia cu e homber pa
calma e situacion, pero e homber no kier a tende. No
a keda Polis nada otro di detene e homber y pidi me-
sora pa presencia di transportwagen pa transporta e
detenido aki pa Warda di Polis.
E dama a conta Polis kico a pasa. Tabatin un discu-
sion y na dado momento e homber a bira agresivo.
El a dal su brasa contra e bentana di e cas y a corta
esaki.
Presencia di ambulance a wordo pidi na Warda di Po-
lis di Santa Cruz pa atende cu e homber aki.
