Page 51 - KPA_Neat

FADAfinal logo

- Advertisement -

ORANJESTAD(AAN)– Un comunicado di FADA ta menciona cn persona no ta bira adicto
di un dia pa otro. E ta un proceso cu por dura lunanan of añanan pa e yega na e nivel
cu e persona ta sufri di e malesa di adiccion.

Den e caso aki cada persona ta diferente. E adiccion hopi biaha ta cuminsa cu e uzo
ocasional di un substancia. Algun hende ta keda na e uzo ocasional pero otro hendenan

ta entusiasma y ta cuminsa uza e substancia mas y mas.

Esaki ta pasa specialmente ora cuminsa uza alcohol y/ of droga pa kita un beis of e
persona ta sinti su mes harta y/ of cu stress door di diferente problemanan/ situacionan
cu ta pasa cune. E persona ta dicidi pa cuminsa bebe alcohol of uza substancianan cu

tin efecto adictivo cu nan.

Obviamente e uzo di alcohol of otro substancianan adictivo no lo yuda y e mesun beis

of stress lo bin bek e siguiente dia. E persona lo keda purba mas biaha pa e sentimento
malo sconde bou di e uzo y esey lo haci cu e persona kier uza e substancia mas y mas
biaha.

Na e momento cu e persona haya e gana/ necesidad pa uza e substancia y e no por

haya e substancia na e momento eynan y e persona ta cuminsa ansha, esey por ta un
señal cu e persona a cuminsa depende psicologicamente/ mentalmente di e substancia.
No ta solamente esey pero e curpa a cuminsa custuma cada biaha un poco mas na e

alcohol y/ of e droga.