Page 54 - KPA_Neat

ORANJESTAD(AAN): Ministerio Publico (OM) tin un edificio nobo y esaki ta localiza den
Rumbastraat, cu ta den e area rond di e edificio di Servicio di Impuesto.

Diabierna durante apertura oficial di e edificio, Minister di Husticia Arthur Dowers a hiba
palabra y el a trece dilanti cu OM a demostra durante e ultimo añanan cu nan a traha

hopi duro, nan a crece y nan a percura pa tin hopi medionan financiero ta drenta den
nan caha, cu nan a logra haya for di cosnan ilicito cu a tuma lugar.

“Mi ta kere cu nan merece tambe haya un lugar nobo di traha, cu ta sumamente bunita
manera e edificio aki”.

E mandatario despues a duna un ehempel riba dicon e asina yama Veiligheidshuis cu
tambe a habri oficialmente Diabierna, ta asina importante.

Dowers a papia di un caso na Pos Chikito, unda cu muchanan entre 10 cu 15 aña tabata
teroriza e bario, unda cu e muchanan aki tabata tira piedra riba hende, nan tabata bati
otro mucha etc.

E mandatario a splica cu ora cu bo tende e storianan ey bo ta sinti bo mes impotente
apesar di tin tur e aparatonan di husticia, pasobra ta trata di muchanan hoben.

E ora ey tin otro instancianan cu tin cu drenta den accion.