Page 3 - POST ARUBA
P. 3
18 AWEMainta Diasabra, 17 Februari 2018
Vivian Alberto a celebra 35 aña trahando na Post Aruba
DURANTE un encuentro ameno na Post Aruba
NV, empleadonan y famia a bini hunto pa celebra e
hecho cu 35 aña pasa, pa ta exacto dia 24 di januari
1983, na edad di 21 aña, Vivian Alberto a drenta
servicio di Post Aruba, cual den e tempo ey tabata
yama Dienst der Posterijen.
Sra Alberto a cuminsa traha como loketista na
Hulp-Postkantoor San Nicolas.
Na aña 1986 e’la wordo ofreci un cambio den fun-
cion como un empleado administrativo den e De-
partamento Filatelico y asina e’la sigui desaroya su
mes den Post.
Mirando e dedicacion y pasion cu e tabata tin pa
su trabou, entrante aña 1989 hunto cu su tareanan
regular Sra Alberto a cuminsa atende directamente
cu e artistanan local cu ta diseña nos stampianan.
Tambe cu e imprentanan local y internacional cu
ta imprimi nos envelop di prome dia di emishon y
nos stampianan.
Sra Alberto a haya e funcion di supervisor for di
aña 1990 y den 1993 e’la bira Chef den e Depar-
tamento Filatelico te cu augustus 2006 unda e’la
tuma e reto pa asumi e responsabilidad y a fungi
como Manager Post Kantoren te cu aña 2014.
Entrante december di aña 2014 te dia di awe e ta
fungiendo como Manager di Departamento Filate-
lico, Telegram y Servicio di Cliente.
Sra Alberto a representa Aruba na varios semina-
rio, curso y exposicion Filatelico Internacionalmen-
te durante su carera di 35 aña.
Durante e celebracion, coleganan a menciona cu
Sra Alberto ta hopi dedica na su trabou, e ta nauw-
keurig, semper cla pa coopera, respetuoso y cu nan
tin hopi aprecio pe.
Sra Alberto a expresa cu e ta hopi contento di por
a yega 35 aña laborando na e mesun empresa y ta
kere cu ora cu bo pone un meta bo dilanti bo lo
yega cu of sin obstaculo.
Post Aruba NV ta gradici Sra Alberto pa tur e
añanan aki di dedicacion y ta desea pa e sigui cele-
bra hopi aña mas cu e compania.
