Page 4 - POST ARUBA
P. 4
A17
HENDE Diasabra 17 Februari 2018
Vivian Alberto
a celebra 35
aña trahando
na Post Aruba
ORANJESTAD - Recientemente
Vivian Alberto, trahando na Post
Aruba, a celebra cu e tin 35 aña ta
traha pa e compania aki.
Durante un encuentro ameno na Post
Aruba NV, empleadonan y famia a bini
hunto pa celebra e hecho cu 35 aña pasa,
pa ta exacto dia 24 di januari 1983, na
edad di 21 aña, Vivian Alberto a drenta
servicio di Post Aruba, cual den e tempo
ey tabata yama Dienst der Posterijen.
Sra, Alberto a cuminsa traha na loket na
Hulp-Postkantoor San Nicolas.
Na aña 1986 el a keda ofreci un cambio
den funcion como un empleado admin-
istrativo den e Departamento Filatelico
y asina el a sigui desaroya su mes den
Post.
Mirando e dedicacion y pasion cu e ta-
bata tin pa su trabou, entrante aña 1989
hunto cu su tareanan regular sra. Al-
berto a cuminsa atende directamente cu
e artistanan local cu ta diseña nos stam-
pianan. Tambe cu e imprentanan local y
internacional cu ta imprimi nos envelop
di prome dia di emision y nos stampi-
anan.
Sra. Alberto a haya e funcion di supervi-
sor for di aña 1990 y den 1993 el a bira
chef den e Departamento Filatelico te cu
augustus 2006 unda el a tuma e reto pa
asumi e responsabilidad y a fungi como
manager Post Kantoren te cu aña 2014.
Entrante december di aña 2014 te dia di
awe e ta fungiendo como manager di de-
partamento Filatelico, Telegram y Servi-
cio di Cliente.
Sra. Alberto a representa Aruba na varios
seminario, curso y exposicion Filatelico
Internacionalmente durante su carera di
35 aña.
Durante e celebracion, coleganan a
menciona cu sra. Alberto ta hopi dedica
na su trabou, e ta nauwkeurig, semper
cla pa coopera, respetuoso y cu nan tin
hopi aprecio pe.
Sra. Alberto a expresa cu e ta hopi con-
tento di por a yega 35 aña laborando na
e mesun empresa y ta kere cu ora cu bo
pone un meta bo dilanti bo lo yega cu of
sin obstaculo.
Post Aruba NV ta gradici sra. Alberto pa
tur e añanan aki di dedicacion y ta de-
sea pa e sigui celebra hopi aña mas cu e
compania.
