Page 35 - ATA

Primeramente, Sr Hepple a bisa cu AHATA no tin un posicion ariba esaki. Algun di
miembro di AHATA tin nan punto di bista, cu no necesariamente ta punto di bista di
AHATA. E prome cu cos cu AHATA kier a recorda Sr. Croes ta cu e uzo di marihuana ta
ilegal na Aruba y AHATA ta respeta ley.

Di dos punto di AHATA ta cu, pa ley, chauffeurnan di bus, tourjeep etc, mester pasa un
drug test pa nan por haya permiso pa core un bus yena cu turista. Ley mester wordo
respeta. Despues a sigui discusionnan general tocante e uzo di marihuana. Si bin
cambio, esaki mester wordo dicidi pa e pueblo di Aruba.

Si tin algun punto cu AHATA a trece dilanti na e comite di Turismo como tambe e
Organisacion Gubernamental di Asuntonan Economico y Financiero, cu e bendemento di
droga ilegal ariba nos beachnan. Lo ta mas miho si tabata tin un otro manera pa trata
cu e problema aki.

Lastimamente nos bishitantenan y e trahadonan di hotel no kier wordo molestia cu e
pregunta aki. Ta existi e pensamento, eroneo cu door cu Aruba ta pertenece na Reino
Hulandes, cu droga of marihuana, lo ta legal na Aruba tambe. Pero esaki no ta un
experiencia agradabel, cual ta uno cu ta tuma luga frecuentemente ariba Palm Beach.

Tin un gran cantidad di ciudadanonan Mericano cu ta usadonan di marihuana. Y den
estudionan reciente di aña pasa, a resulta cu un total di 55 miyon di adulto ta usa
marihuana. Y esaki ta creciendo door cu varios estado Mericano ta legalisando e uzo di
cannabis. Y gran parti di e usadonan ta e millennials. Nos mester ta consciente cu tin
cambionan tumando luga pafo di nos fronteranan y nos mester ahusta nos mes na
esaki. Pero te cu aworaki marihuana y cualkier otro droga ta ilegal ainda na Aruba.

Hopi di nos bishitantenan ta keriendo cu door cu Aruba ta parti di Reino Hulandes, cu
nos leynan di droga lo ta mescos cu na Hulanda. Nan no ta comprende e diferencia di
leynan entre esun di Aruba y di Hulanda. Pero lo no tin bendedo di marihuana, si no
tabata tin demanda pa esaki. Y segun Sr. Hepple, lo mester busca un solucion pa cu
esaki