Page 10 - KPA 21 OCT,2015

Mata grandi a cay den Koningstraat causando daño na auto y cas
Publication: Wednesday, 21 October 2015. Categoria: Policial

ORANJESTAD(AAN):Ayera anochi un mata seco di Tamarijn a dicidi cu ta basta y su troncon
cu tabata putri no por a want’e mas y e mata a cay riba dos auto, causando daño considerable na
un di nan, un Tercel color berde.
E otro auto no a haya mucho daño. E cas si a sufri daño ya cu parti di e banda pabao di e cas a
bin abao, y ademas e mata a ranca wayanan di coriente di manera cu Elmar mester a bin corta
coriente.
E hendenan den e cas a pasa den un spanto pero ningun hende a keda lesiona durante e caida aki
di e mata.
Esaki tabata mas o menos 7.30 or den Koningstraat, e cas pabao di Circle K., net dilanti
Manuelito’s.
http://www.diario.aw/2015/10/mata-grandi-a-cay-den-koningstraat-causando-dano-na-auto-y-cas/