Page 9 - KPA 21 OCT,2015

Ladron a bay haci bishita den Wit Gele Kruis Paradera
Publication: Wednesday, 21 October 2015. Categoria: Policial

ORANJESTAD (AAN): Riba Diamars mainta, personal di Wit Gele Kruis na Paradera a yega
trabou, a habri porta, desactiva alarma, y a ripara cu e porta di oficina ta habri. Ora a bay tira
bista den e oficina a haya esaki tur boltea cu indicacion cu ladron mester a drenta.
Ladronnan a destrui e bentana dilanti completo y drenta, pa asina boltea na e toonbank dilanti,
den oficina y a bay patras den cushina y den magazijn.
Pero personal di Wit Gele Kruis no a haya falta di nada. Den e lugar tabata tin camera cu lo a
graba tur cos.
Ultimo simannan tin mas reclamo di habitantenan den Paradera, di casonan di ladronicia cu ta
andando. Obhetonan ta desaparece misteriosamente for di cura di cas.
http://www.diario.aw/2015/10/ladron-a-bay-haci-bishita-den-wit-gele-kruis-paradera/