Page 38 - ATA
P. 38
Comunicacion cu Venezuela ta
solamente via Valencia y Punto Fijo
Posted on 04/10/2018 11:26 am AST | Updated on 04/10/2018 5:57 pm AST
CARACAS/ORANJESTAD – Comunicacion aereo y maritimo cu Venezuela ta
solamente via Valencia, estado Carabobo y Punto Fijo, estado Falcon por lo
pronto. Mientras cu enberdad e relacion entre Venezuela y islanan ABC a
‘normaliza’ dialuna, esaki no kier men cu e trafico aereo y maritimo ta reanuda
manera antes, usando p.e e aeropuerto di Maiquetia na Caracas y tur otro waf cu
tabata uza antes. NoticiaCla a confirma cu su fuentenan cu e unico aeropuerto cu
por usa pa yega y sali di dje na Venezuela ta esun di Valencia, esta aeropuerto
Arturo Michelena, y pa waf por uza solamente esun di Punto Fijo, esta waf di
Guaranao pa e islanan ABC. Esaki ta pa duna tempo pa por conforma e
comisionnan mixto cu a palabra den e acuerdo. Tanten ta uza solamente e dos
puntonan di salida di Venezuela.
NO TA BUSINESS AS USUAL
Aunke cu a yega na un acuerdo entre Hulanda y Venezuela den fin di siman, esaki no kier
men cu cos ta ‘business as usual’. Asina prome minister Evelyn Wever Croes a bisa
dialuna durante un conferencia di prensa. Esaki ta cuadra tambe cu e regla ‘nobo
temporal’ cu tin. Berdad cu e trafico entre e paisnan pa loke ta pasahero y mercancia ta
sigui. Pero fuera di loke a bisa caba, a mustra cu lo tin control mucho mas estricto riba e
