Page 44 - Min.TTC

di esey e la bay den e nota di cambio.
Minister Otmar Oduber ta haya cu e declaracionnan haci pa Sra Wever-Croes y Sr. Bikker mester wordo
coregi pa comunidad por ta na altura di esakinan.
Finalizando, Minister di Transporte a bisa ta canando un proceso no facil, pero unda cu ta poniendo
Arubus riba un pia solido pa e por haya su entradanan. Entre nan por menciona e parkeermeters di cual
ley lo mester pasa den e proximo simannan y cu lo representa un entrada adicional pa Arubus.
http://www.24ora.com/politica-mainmenu-18/94634-minister-otmar-oduber-subsidio-na-arubus-pa-2015-na-ningun-
momento-a-wordo-aumenta-cu-3-miyon-florin

Paul Croes: Exito di Resona a bay bek pa comunidad

W ednesday, 29 April 2015 18:38
Comparti

Despues di e exito grandi di e proyecto musical Resona, diaranson mainta Minister di Cultura Otmar
Oduber tabatin e honor di haci entrega di e donacionnan na 6 diferente instancia cu ta traha na bienstar
di nos hubentud.
Minister Oduber a indica cu poco biaha despues di un proyecto ta bin hunto bek pa gradici y analiza kico
a tuma lugar. E ta convenci cu despues di e proyecto Resona cu a keda resona despues cu e la wordo
lanza na september/october aña pasa.
Despues di 7 funcion cu tabatin na Cas di Cultura, 4 di nan dedica na nos hobennan y 3 pa publico en
general, ainda ta tende e cancionnan di Resona na nos radioemisoranan local cu a sa di sostene e
proyecto aki grandemente.
Tin scolnan cu a no a yega na beurt pa presencia e concierto di Resona a yama pa zundra, pero esaki ta
yena tur organizador cu entusiasmo pasobra e ta mustra cu interes a lanta entre nos hobennan, cual
tabata e meta principal di e proyecto. Lamentablemente e proyecto aki tabatin un periodo limita, pero
definitivamente e no ta e final. “Despues di e exito cu nos a conoce cu e tres funcionnan completamente
sold out tabata muestra cu e meta cu a wordo poni dilanti dor di Departamento di Cultura, dor di
Ministerio di Cultura y cu e sosten di Oficina di Turismo di Aruba tabata merece su lugar y hasta ta papia
na e momentonan aki di proyecto Resona 2 cu lo por haya su lugar den e aña venidero”, Minister Otmar
Oduber a duna di conoce.
E mandatario a gradici grandemente henter Departamento di Cultura cu a uni cu un yiu di tera, artista
internacional cu ta Michael Lampe. Minister a gradicie tambe masha hopi pa e proyecto aki cu a wordo
conduci hunto cu ATA como patrosinador oficial y Ministerio di Cultura pa logra metanan poni dilanti cu
e proyecto precioso cu yama Resona caminda 13 cancion di nos antepasadonan a wordo rebiba