Page 45 - Min.TTC

manteniendo e aspecto original cu un bachi nobo canta pa diferente artista di e generacion nobo.
“Nos celebridadnan a uni di tal forma unda cu cada biaha cu tabata papia di un presentacion mas tabata
bisa ‘Yes, un meta cu nos ta logra adicional’. Mi kier gradici cada un di nan, cada un di e artistanan, cada
un di e musiconan cu a participa y cu a haci e exito aki posibel”, Minister Oduber a indica. El a agrega cu
e no a caba eynan, e exito ta continua.
Continuando e mandatario a mustra cu manera a compromete na inicio di e proyecto su exito lo bay bek
pa comunidad y asina a scohe dos instancia cu ta Fundacion Donny Lacle y Scol di Musica Rufo Wever cu
lo haya cada un e suma di 9 mil Florin, proveniente di e placa recauda na entradanan di e conciertonan.
Otro 4 instancia cu ta OCD, Comision Bernadina Grovel, Fundacion Tuti Fruti y Imelda Hof a haya 100
CD di Resona pa nan bende y 100% di e fondonan recauda ta bay pa nan fundacion.
Finalizando Minister Otmar Oduber a gradici tur esnan cu a haci e proyecto Resona posibel y exitoso y
tambe na henter comunidad pa duna e sosten masal na nos artistanan y musiconan local resaltando nos
folklore y cultura entre nos hobennan.

http://www.24ora.com/local-mainmenu-5/94640-paul-croes-exito-di-resona-a-bay-bek-pa-comunidad-