Page 34 - ARUBA BANK

E CENTRO DI OPERACION TA NEPTALI HENRIQUEZ PARK
Neptali Henriquez Park ta atrobe e centro di operacion. For di aki lo coordina e
accion y tambe lo ta e punto central pa acumula e datonan. Mas cu claro e acto

ceremonial di clausura y gradicimento na boluntarionan tambe lo tuma luga na
e sitio mes, e diadomingo atardi di 1 di October proximo.

E sitionan cu lo bay cubri ta entre otro tras di Faro California, Arashi, Boca
Catalina, Malmok, Hadicurari, e beachnan dilanti di e hotelnan na Palm Beach,

Eagle Beach, Surf Side, Mangel Halto, Baby Beach, Santana di Cacho, Grape
Field, Boca Grandi, area rond di Neptali Henriquez Park pa cas di Gobernador y

tambe den e area di Bushiri Beach Resort. Ta haci un apelacion na henter
comunidad pa conhuntamente manifesta nos compromiso cu medio ambiente pa
yuda mantene nos beach y lama limpi. E operadornan di watersport a

compromete nan mes pa yuda cu e operacion den awa. Organisadornan ta
invita tur grupo ambiental, clubnan social, scout, scol y tambe boluntarionan pa

contribui na e campaña. Esnan cu kier participa por tuma contacto cu nan
operador di deporte acuatico faborito of tuma contacto cu ARCP na 586-0820/

564-4485 of 740-0797/ y puntra pa Castro Perez of Veronica Perez. Tur
participante, ademas di e satisfaccion di haci Aruba limpi, ta ricibi un t-shirt pa

un donacion di AWG. 5.00, lunch box, soft drinks y durante e celebracion final
diadomingo 1 di October na Neptali Henriquez Park lo ricibi un certificado di
aprecio y por participa na rifa pa diferente premio atractivo. Nos ta conta ariba

e apoyo di henter e comunidad di Aruba pa yuda proteha nos recursonan
natural.