Page 10 - AM210322

10 AWEMainta Dialuna, 22 Maart 2021

Quota “Buckets of Love” pa Ambiente Feliz

DIA 18 di maart ultimo Quota Club a haci entrega di “Buckets
of Love” n’e habitantenan di Ambiente Feliz. Den seno di Quota

Club e “Buckets of Love” ta conoci como ‘Macutonan di Amor’
cu e miembronan di Quota mes ta yena cu comestible y produc-

tonan medicinal pa prome ayudo na cas.

Pa motibo di medidanan tuma pa combati Covid-19, e sosten

financiero na Ambiente Feliz a wordo reduci. E paso aki a pone
e cuido di e habitantenan riba un alerta. E Directora di Ambi-

ente Feliz, sra Althea Schmidt, a pone Quota Club na altura

pidiendo pa duna un ayudo. Sin duda un momento Quota Club
cu amor ta duna un man segun e situacion ta duna.

Miembronan di Quota a presenta den fila di Drive Thru salien-
do for di oficina di FEPO rumbo pa Ambiente Feliz na Santa

Cruz. Den cuadro di Dia di Himno y Bandera tur auto cu a par-

ticipa tabata dorna cu un bandera di Aruba y algun blaas den
colornan di e bandera di Aruba.

Na yegada e Quota miembro sra Mariela Nava a duna e bunita

sorpresa di presenta e baile di Chanita cu su baki bolo riba

cabes. E habitantenan di Ambiente Feliz a goza un mundo.
Despues sra Noris van Lis-Donata, kende ta guia e Comision

di Donacion, y tambe sra. Mirjam Auwerda-Jansen, kende ta
Vice-Presidente di Quota Club, e aña aki a hiba palabra.

Durante e ultimo aña Quota no a haya oportunidad pa organisa

actividad grandi pa recauda fondo manera ta custumber. Pues
ta di curason miembronan a haci esfuerso pa yena algun macu-

to pa haci donacion na Ambiente Feliz.