Page 10 - KPA
P. 10
Diabierna 5’or di marduga, polis ta haya informacion di un caso di ladronicia na San Nicolas. Mesora
ta bai Kinppo Supermarket na Cura Cabai unda un Nissan Skyline shinishi ta envolvi den e
ladronicia aki. Mesora ta sigui un persicusion pero polis ta perde e auto for di bista den Weg Seroe
Blanco. Enconexion cu esaki polis ta bai Yara weg te cu Seroe Alejandro y ta bin topa cu e auto.
Polis ta keda corre pega pega cu e auto cu a drenta un caminda di santo y ta para na altura di Seroe
Alejandro 175. Polis cu hopi tactica ta pidi pasaheronan pa baha di e auto y e banda di pasahero ta
baha un muhe. E chauffer mes a corre drenta mondi y pa 5:15 e ta keda deteni pa sospecho di
ladronicia. E muhe tambe a keda deteni pa e caso aki y nan a ser hiba pa warda di polis San Nicolas.
E homber C.N. Ramirez Llano a keda deteni y sera pa mas investigacion.
Policial
JEEP CU TURISTA PEGA
DEN SERO SANTO
