Page 14 - KPA

Durante control riba tereno di Renaissance Market Place na altura di Renaissance Ocean Suits, un
miembro di seguridad ta aserca cuerpo policial pa un situacion fastioso cu tres mucha homber. Segun
e miembro di seguridad tin tres mucha homber riba bais riba tereno di dicho compania cu ta actua

manera sospechoso. E miembro di seguridad ta sigui bisa polis cu e la aserca e hobennan aki riba nan
comportacion, pero el a ser insulta na un manera onbeschoft. E personal di seguridad a duna polis
discripcion di e tres hobennan aki con nan ta bisti di cual dos di nan tin ‘dreadlock’ t-shirt blanco cu

corra y tambe t-shirt oranje. E hoben cu t-shirt oranje lo tin un arma di candela den un tas. Polis
mesora a bai den nan direccion unda taxinan ta para y enberdad ta topa cu e tres hobennan aki cu ta
bon conoci di polis y husticia. Ta trata di J.Joseph (t-shirt corra) MC Tromp (t-shirt blanco) y D.

Plaisir tambe un conoci cu jama Pepito cu (t-shirt oranje). Polis ta controla tas di tanto Plaisir como
di Tromp y no a haya nada particular. E personal di seguridad cu tambe a jega na e sitio a ser insulta

un biaha mas pa e tres hobennan aki dilanti miembronan di prensa cu tambe a jega na e sitio. E
miembro di seguridad di Renaissance a bisa e trio cu nan ta prohibi pa subi tereno di e hotel. Polis a
corre cu e hobennan for di e sitio cu a juda trece trankilidad.

Policial
MAMA RABIA CU JIU TIN

MATA DI MARIHUANA NA

CAS