Page 23 - MIN SOC JAN 5,2016

36 Djamars 5 Yanüari 2016

Kontinuashon di pag. 11
CTO A PROKLAMA

miembronan ku ideanan
ku por implementá i ku ta
inkluí e tema di romanse.
Lo desaroyá ideanan pa loke
ta trata sitionan kaminda
por kontraé matrimonio
i eventualmente renobá
matrimonio. Ademas lo
ofresé Caribe komo e lugá
kaminda e partner ta pidi
e otro pa kasa kuné, lo pidi
parehanan konosí pa nan
kasa i pa nan pasa nan
luna di miel den nos área.
Banda di esei por ofresé
parehanan ku tin tantu aña
kasá insentivonan pa nan
bin selebrá esei den Caribe.

“Banda di nos yudansa,
nos ta spera ku nos paisnan
miembro i tambe e hotèlnan
lo desaroyá nan mes plan pa
promové romanse den nan
mes destinashonnan. Nos
ta premirá ku esaki lo bira
un kampaña grandi den
kua tur hende lo tuma nan
mes inisiativa pa promové
romanse. Kompanianan di
aviashon tambe por ópera
ku tarifanan speshal pa
esnan ku ta bin kasa den nos
área i lo tene kuenta tambe
ku gruponan di hende ku ta
bai e kasamentunan na e
diferente destinashonnan”,
asina Riley a bisa.

E espektativa ta altu
pa kampaña aki komo
un katalisador pa esnan
ku ta promové Caribe. E
ta importante tambe pa
promotornan di kasamentu
i luna di miel den nos
region, publikashonnan
riba kasamentu i tambe
wèpsaitnan ku tin e tema
aki komo nan punto di
lansa. Tambe lo hasi uso di
retnan soshal.

EXTRA por komentá
ku ya kaba Kòrsou ta hopi
avansá riba e tereno aki
ku ofertanan pa diferente
merkado. Diferente hotèl ta
hasiendo e merkadeo kaba
komo lugá kaminda por
kasa i ku frekuensha sa tin
kasamentunan bon reglá na
entre otro hotèlnan manera
Marriott i Santa Barbara
Resort.

Na Kòrsou no a
menshoná lansamentu
ofishal di e kampaña
ainda. No a menshoná
tampoko si den e kampaña
ta konsiderá kasamentu di
e mesun sekso komo e tipo
di romanse ku tambe lo ke
promové. Kòrsou ta pionero
riba e tereno aki pa algun
aña kaba.