Page 45 - MIN JUS_Neat

Pagina 18 Diabierna 5 Mei 2017
Informacionnan
di e caso di
assesinato no ta
ser duna di parti
autoridad
mientras inves-
tigacionnan ta
andando

Tin un silencio hermetico
pa locual ta e caso di
assesinato di e victima cual a
bin resulta cu un Vietnames,
autoridadnan no kier saca
ningun informacion. Nos
fuentenan a suministra nos
cu bastante informacion y
detayes pero nos a scoge
pa retene esakinan te ora
haya un confirmacion. Pero
mirando cu ta tardando
mucho nos a cuminza saca
e informacionnan extra-
oficial cu nos ta dispone di
dje. Nos a logra haya un foto
probablemente di e victima
mientras nos a compronde
cu akinan ta trata di H.T.N.Q.
di 25 aña di edad procedente
di Vietnam. E auto cora
cu tabata envolvi den e
accidente na Calabas ta e
auto cu e victima tabata core
pero despues di e assesinato
un di e sospechosonan a coy
e auto y a bay bandona e
sitio cu hopi velocidad y no
a logra parana tempo y a
accidenta riba e palo di lus
y despues a bandona e sitio.
Un di e prome testigonan a
cuminsa duna detayenan
di kiko lo por a pasa y
kendenan tabata na e sitio.
Un rato despues un vehiculo
s.u.v. cu tambe tabata na e
sitio a ser mira den area di
Palm Beach. Polis a purba
par'e pero nan a pasa den
lus cora y esnan den e auto a
cuminsa deshaci nan mes di
evidencia y a tira e.o. celular
y hasta tambe gran cantidad
di placa. Polis a sigui nan
tras den un persecucion cual
a sigui Sasakiweg, Bubali,
Boegoeroei, SHaba, Tanki
Flip y finalmente na Hato
unda e vehiculo a bolter y
a logra detene 5 persona di
cual 2 di nan a resulta herida
y a ser hiba cu ambulans
pa hospital bao escolta
policial. Den e oranan
despues a logra captura e
sospechoso cu a core bay
bay for di e accidente na
Calabas. Despues a sigui
mas detencion pero nos a
compronde cu algun otro
persona a purba bandona
Aruba y otronan a ser deteni
y varios persona mas a ser
interoga.