Page 46 - MIN JUS_Neat

A entrega certificado di habilidad social na 6 hoben

Thursday, 04 May 2017 19:19
Comparti

Recientemente na KIA a cuminsa cu training di rehabilitacion y formacion di SOVA (Sociale
Vaardigheden). Stagiairnan di Universidad di Amsterdam hunto cu un Orthopedagoog, instructor di
deporte y e trahadonan social a facilita e training aki, unda cu 6 hoben a gradua pe curso di habilidad
social.

A cuminsa awor cu un di dos sesion y conforme cu e plan anual di KIA, ta organisa diferente actividad y
curso pa preso, manera basisonderwijs, beroepsonderwijs, norma y balor, manera (omgangsvormen),
agresion y regulacion emocional. Separa di e sesionnan aki, a haci uzo di practicanan deportivo, como un
herment pa desaroya e habilidad social di e hobennan riba caminda di resocialisacion den nos
comunidad. E hobennan aki a haya e oportunidad pa participa den e training aki cu a dura 7 siman, 3
biaha pa siman y pa un ora y mey. Meta principal di e training di SOVA ta pa e hobennan siña adapta nan
mes door di siña habilidad nobo y ademas haya confiansa den nan mes, di tin e sentimento di tin grip di
nan bida. Tambe pa tene na cuenta unda nan limitacion ta y siña conduci nan propio comportacion. E
lesnan tabata diferente, unda cu nan tabata haya lesnan individual y tareanan di grupo.

Riba e ultimo dia di training, esta 21 di April ultimo, e hobennan a ricibi nan certificado. E hobennan
tabata orguyoso y contento di a ricibi nan certificado. Directiva di KIA ta orguyoso di e esfuerso cu e
hobennan a pone y ta desea nan exito. Korrectie Instituut Aruba, KIA a muda pa su localidad na Santo di
Patia na San Nicolas dia 22 di september 1990, pues 26 aña pasa. E prizon tin un populacion di un
maximo di 200 detenido, parti den detencion preventivo, seccion di hende muhe y seccion di hubentud.
Na KIA tin mas o menos 180 empleado trahando 24 ora pa dia pa garantisa siguridad y atende cu e
presonan den cuadro di e periodo cu nan mester sinta nan castigo cu e meta pa coregi nan erornan y sali
atrobe como miho ciudadanonan pa nos pais.

http://www.24ora.com/index.php?option=com_content&view=article&id=121457:a-entrega-
certificado-di-habilidad-social-na-6-hoben&catid=1:local&Itemid=5