Page 16 - BNDIA ARUBA

A16 HENDE
Diamars 28 Januari 2020
Open dag den cuadro di Dia di Biblioteca

Biblioteca Nacional ta pone enfasis riba innovacion den 2020

ORANJESTAD – Dia 20 di januari ultimo tabata Dia di Biblioteca, un
dia masha special pa Biblioteca Nacional Aruba (BNA) y su personal,
cu e biaha aki nan a dicidi di celebr'e conhuntamente cu nan usuari-
onan.

Pa duna contenido na nan celebracion nan tabatin un open dag, caminda nan a
pone enfoke riba e trabou cu cada seccion y personal di e biblioteca ta bin real-
isando. Directora di BNA, Astrid Britten a declara na Bon Dia Aruba cu inten-
cion tras di e open dag exitoso aki tabata pa publico en general cera conoci mas
di cerca cu e servicionan cu biblioteca ta bin ofrece pa mas cu shete decada.

Seccion di ‘Binderij’
Hunto cu directora di BNA, e matutino aki a haci un recorido pa bishita e
seccionnan cu habitualmente no ta accesibel pa publico, pero den cuadro di
nan open dag, nan a haci un excepcion, entre nan: Catalogo, departamento di
Media, Binderij, Servicio Mediateca Escolar, Blab Makerspace, etc...

Tur seccion di BNA ta uno importante y clave pa e bon funcionamento y ser-
vicio cu biblioteca ta ofrece cu ayudo di un grupo di 70 trahado na servicio di
e departamento di gobierno aki.

Un di nan ta e seccion cu ta traha pa mantene den bon condicion di e bukinan,
ta esun di Binderij of seccion di drecha buki, cu ainda ta conserva su nomber
na Hulandes.

BNA su sede principal na George Madurostraat tin alrededor di 250 mil buki.
Esaki apart di e bukinan y demas material bibliografico y publicacionnan cu
nan tin na departamento di Arubiana Caribiana, tambe na nan filial San Nico-
las.

Seccion di Binderij ta drecha alrededor di 50 buki pa luna. E dañonan mas
comun ta cu e blachinan ta los y lamentablemente tin usuario cu ta kibra e
blachinan di e buki y te hasta nan ta pinta ariba dje. Esaki ta haci cu e buki no
ta lesabel mas. Esaki ta demanda un esfuerso grandi, full un cirugia riba e buki
cu e personal di e seccion di Binderij ta realisa pa asina practicamente traha un
buki nobo y disponibel pa publico bek.

Nata Tromp, kende ta encarga cu e seccion di Binderij, ta haci un yamado na
tur usuario di biblioteca pa cuida e bukinan. Si nan ta bay hinca e buki den
tas, ta consehabel pa pone apart den un saco, pa evita cu si tin algo likido no
ocasion daño na e buki. Tambe si e buki kibra na cas pa por fabor no pone tape
riba dje, pasobra e letter ta wordo kita completamente ora cu nan ta purba di
kita e tape bek.

Innovacion
Den cuadro di aña 2020 cu a wordo decreta pa gobierno como aña di Innova-
cion y Enseñansa, Britten ta considera importante cu BNA ta forma parti di e
proyeccion aki.

"Nos ta bay hunto cu e desaroyo aki," el a bisa na e matutino aki. P'esey nan ta
conta cu un departamento di Media, pero tambe BNA ta conta cu un Centro
di Informacion Digital cu ayudo di Setar.
Continuacion riba Pagina 17