Page 17 - BNDIA ARUBA

A17
HENDE Diamars 28 Januari 2020

Continuacion di Pagina 16
Igualmente nan tin nan laboratorio tecnologico of loke nan ta yama Blab Mak-
erspace pa tur cu tin gana di experimenta por haci uzo di dje. Generalmente bo
ta spera cu tin bukinan, pero enbes di nan bo ta wak tur sorto di instrumen-
tonan. E maker space ta duna acceso publico na varios mashin pa fabricacion
digital incluyendo 3D printers, laser cutter, vinyl cutter, CNC cutter, como
tambe ‘programmable boards’ manera Arduino y Raspberri Pi. Pero tambe
instrumentonan mas tradicional pa traha cu palo manera drill press, bench
sander, planner y table saw.

Nan ta realisa diferente obra den mundo di innovacion y robotica. "E ta un
paso mas den e parti tecnologico cu ta importante," el a bisa. E ta un forma pa
prepara nos futuro generacion riba trabou cu no ta existi ainda riba nos isla,
pero sigur den futuro si nan lo bay t'ey. Y trabou cu nos tin aworaki y cu even-
tualmente den futuro no lo t'ey mas, el a bisa.

Den esaki BNA ta funciona conhuntamente cu Metabolic Foundation, cu ta
encarga cu e seccion aki tur dia di servicio di biblioteca for di 12'or merdia.
Tambe Blab Makerspace a habri recientemente su porta na BNA su sucursal
na San Nicolas.

Britten a bisa cu nan ta den implementacion di nan sistema automatisa nobo,
unda publico lo tin acceso na e-books y lo profundisa y sigui traha riba digi-
talisacion.

Un bon noticia ta cu pronto nan ta bay haya computer nobo tambe pa asina
nan por ta miho ekipa. Otro bon noticia cu directora di BNA a comparti cu
nos ta cu e Biblio-Bus pronto lo ta riba caminda bek. Nan ta bay haya ayudo di
FUTURA den esaki pa e proceso aki por cuminsa pronto.