Page 18 - AHATA

confirma nan preocupacion relaciona cu e intencion di Gobierno, aunke cu den mesun

rosea ta afirma di no a haya nada oficial di Gobierno relaciona cu e intencion aki.

“Di e informacion cu nos tin, e publicacion di Diabierna ultimo no ta corecto. E

indicacion cu nos tin ta cu A.T.A. ya tin AFL 20 miyon proyecta como surplus cu ta

destina pa gobierno. Y cu gobierno lo tin intencion di pidi pa agrega AFL 10 miyon. Pa

logra esey lo mester corta e budget di A.T.A. cu 10 miyon”, asina Tisa LaSorte, CEO di

AHATA a informa den un reaccion na 24ora.com. El a sigui bisa cu “AHATA su

preocupacion ta cu esey por causa cu ta corta fondonon di mercadeo. E unico manera pa

mantene exito den nos unico pilar economico ta pa mercadea consistentemente”.

Na e momentonan aki e demanda di mercado Mericano a cuminsa baha y AHATA tin

basta tempo ta recomenda pa inverti mas den e mercado di Europa pa nos por diversifica

nos mercado turistico y reduci e dependencia di Merca. “Na 2020 tin eleccion na Merca y

tin hopi indicacion cu lo bin un recession. Kiermen awor no ta momento pa reduci

mercadeo internacional y ta necesario pa inverti den diversificacion”, di acuerdo cu Tisa

LaSorte di AHATA.

“Na e momento aki AHATA no tin ningun informacion oficial di gobierno pa cu nan

intencion cu e fondonan di turismo, ni e resto di decisionnan cu lo tuma pa finalisa e

budget di Gobierno pa aña 2020”.

“Semper nos ta enfatisa cu ta importante pa inclui AHATA den combersacionnan y

decisionnan cu por afecta e industria di un manera of otro. A crea A.T.A. Sui Generis

despues di firma un MOU entre AHATA y Gobierno. Ta importante pa mantene nos mes

na ley y na e intencion original”, asina Tisa LaSorte a termina bisando.