Page 21 - AHATA

Ora pone diferente informacionnan oficial y rapportnan hunto, mester papia di un
maneho financiero di horor, sin un linea cu ta conduci na solucion permanente y
fayonan cu ni un mucha lo comete cu e placa cu e ta spaar.

Na 2010 e temporada a cuminsa cu e cumplimento di promesanan di campaña pa
eleccion pa baha BBO. Tabata conoci cu esaki a laga un buraco serio atras pa Aruba cu
tambe tabata den problema pasobra Valero a cera e refineria.

Den un situacion cu lo a spera cu lo aumenta entrada, a baha entrada sin guia apropia.

No ta na 2010 solamente por mira un accion contra interes di Aruba. Ta duna inicio na
proyectonan cu ta mara Aruba cu na 2014 ta den situacion fastioso. Ora pueblo a bay

eleccion 2013 ta informacion falso pueblo tabata tin di e situacion financiero di Aruba cu
tabata sumamente malo.

Na 2015 tur instancia ta preocupa cu Aruba cu ya a introduci un BBO nobo pa por a

cubri e gastonan entre otro di AZV.

Por mira con ta desvia for di maneho mientras ta cuminsa busca un salida cu a bira
Citgo, cu a permiti gobierno sconde su mes tras di un promesa grandi na pueblo.

Ora na augustus 2016 gobierno Mike Eman a entrega su calculacion di cifranan di
ministerionan pa 2017, a yega na un acuerdo cu Citgo y a priminti Aruba un
crecemento economico milagroso.

Den e cifranan presenta segun rapportnan oficial ta mustra, ta crea un impresion cu ta
wordo cualifica como falso. E entrada y gastonan di Citgo no tabata parce di ta cuadra
cu realidad .

Ta parce cu gobierno mes no tabata sa cuanto placa e lo tabata tin na su disposicion
(liquide middelen manera yama den e rapportnan). No tabata tin un pronostico pa loke
ta trata e factor importantisimo.

No tabata tin informacion riba e garantianan pa Citgo ni un bista riba entradanan y
gastonan cu tabata spera na cada ministerio.