Page 8 - 27Feb23

PAGINA 8 DIARIO DIALUNA 27 FEBRUARI 2023
Organiza pa Miriam De L’isle:
Fundacion Crea Arte a organiza su Festival di arte di

tur ultimo diasabra di luna na Palm Beach Plaza

ORANJESTAD (AAN) — E ultimo Diasabra di cada luna, ta
wordo organiza un festival di arte, den un espacio facilita na
Palm Beach Plaza.
DIARIO a acerca señora Miriam De L’isle, director
di Fundacion Crea Arte Aruba, cu ta representa e festival aki.
El a duna di conoce cu e ta invitando tur artesano,
artista pintor y tur esnan cu ta crea y produci obranan di arte y
tambe emprendedornan creativo cu ta traha ciga, habon, bela,
etc. Cada luna nan tin oportunidad di crea arte y bende nan
den fin di luna, na e espacio menciona.
De L’isle a comenta cu esaki ta un oportunidad fantastico. E
lugar ta amplio, fresco, bao di dak. “Pues, kico mas nos por
pidi?” el a expresa.
E festival di arte aki ta gratis pero den futuro kizas lo
pidi un colaboracion chikito pa e mesanan cu mester. Aworaki,
cada ken cu ta participa ta trece su propio mesa. Diasabra cu a
pasa tabata tin seis participante cu a presenta nan trabaonan, y
despues nan tabata tin un rifa pa e publico, unda cada persona
a haya un ticket pa participa. A pone cinco obra disponible pa
bira premio.