Page 25 - MIN ON 2 dec,2015

A4
EDITORIALDiaranson 2 December 2015
Falta di placa ta cuminsa tranca gobernacion?
Mas y mas servicio ta pegando…
Eseñalnan cu gobierno ta hayando mas
problema pa controla su gastonan a
cuminsa sali. Ultimo dia y simannan
nos por tende entre otro un ministro di Husticia
keha tocante e situacion deplorabel na KIA, cu na
su opinion ta birando insoportabel. Tambe el a
declara cu placa tin, pero e mester haya esey ainda. departamento kico exactamente nan gastonan ta
Un poco straño, pasobra si e placa t’ey, ta pasobra
e ta riba presupuesto y e mester ta disponibel, a
menos cu e efectivo den caha no t’ey pa por uza
esaki.
Tambe nos ta observa e comentarionan di un
servicio manera Dienst Technische Inspecties
(DTI), cu entre otro ta responsabel pa keur tur
vehiculo. Nan ta keha di falta di un sistema
adecua y moderno pa registra nan trabao y pa
duna e servicio cu e cliente por spera di nan. Esaki Nos por mira aki cu desde 2014, cu a bin
tambe ta zona manera falta di recurso financiero.
Den nan comunicacion cu prensa nan ta papia
di e servicio deficiente cu DIA, e departamento
encarga cu apoyo di servicio digital na henter
gobernacion, lo por duna actualmente, tambe a
base di falta di personal y otro recurso.
Nos tin tambe e situacion na e scolnan na Aruba,
unda cu nan mes ta busca solucion pa problema
cu de hecho ta asunto cu gobierno mester resolve
y paga pa tur scol, independientemente cu nan ta
publico o priva. Esaki tambe tabata e veredicto
di hues algun tempo atras, unda cu a opina cu
scolnan no por cobra mayornan pa cos cu gobierno
mester paga pa tur scol.
Naturalmente cu gobierno no a conta cu e
decepcion aki, na momento cu cortamento serio
ta tumando luga den presupuesto di enseñanza.
Den un editorial anterior nos a comenta riba e
reduccion di 19 miyon florin (di 281 miyon pa
262 miyon) cu a tuma luga den e presupuesto di
2015 compara cu 2014. Asina por ripara tambe
cu di berdad medida di austeridad ta sosodiendo,
pero no na unda e mester sucede, y esey ta den e
payroll insostenibel di gobierno.
Ta straño cu te awe ningun hende no a señala e
cortamento drastico aki; tampoco oposicion asina
leu cu nos por corda a tuma nota y comenta riba
e reduccion drastico di 6,7% di presupuesto di
enseñanza. Nos a cuminsa custumbra cu e cosnan
aki?
Gastonan inevitabel
Un di e medidanan di austeridad cu mas ta
golpia e aparato gubernamental ta e medionan pa
por traha, manera material pa oficina y computer,
programa di computer, vehiculo, etc.
Ta posibel pa un cierto tempo pospone e gastonan
aki, pero na un dado momento ta bira inevitabel
haci nan o core e riesgo cu henter e dunamento di
servicio ta dal para.
Claro cu de paso cierto gastonan innecesario cu
por tabata existi a keda detecta y corta, por lo
menos esey nos por spera si ta analisa pa cada
y si realmente nan ta necesario. Pero laga nos tira
un bista den e gastonan cu gobierno a haci den e
ultimo añanan, pa por conclui si tin un control
efectivo riba esakinan.
Gasto di Bienes y Servicio 2010 - 2015
*: Gasto real pa prome mita di 2015 y gasto
proyecta pa 2015 (Fuente: Banco Central Aruba;
Speerpuntennota 2016)
supuestamente a bin medida serio di hala faha
mara, cu e gastonan final no tin ningun relacion
cu e gastonan manera presupuesta. Pakico
traha presupuesto si na final di aña ta core bay
Parlamento pa aproba un presupuesto extra,
pasobra a gasta hopi mas placa cu a presupuesta.
O pio ainda, gasta hasta mas cu a presupuesta
den e presupuesto adicional aki, loke ta contra ley.
Na 2014 a gasta casi 14% mas di loke a
presupuesta na bienes y servicio, y na 2015 na
mita di aña a gasta caba 109.6 miyon, loke ta
59.8% di e presupuesto, dunando indicacion cu
aki tambe ta bay gasta riba 200 miyon, loke ta
e caso pa hopi aña caba. Nos mester bay den
pasado te 2007 pa nos topa un aña cu a gasta bao
di e limite aki, cu tabata 186.9 miyon.
E pregunta clave aki ta, si mester reconoce cu e
gastonan structuralmente ta halto, of cu ta posibel
pa baha nan pasobra lo tin gasto innecesario
tumando luga pa hopi aña caba. Nos conclusion
por lo pronto ta cu gobierno no por scapa
completamente di cierto nivel di gasto. Un di e
aspectonan cu si por atende ta e amigonan cu
ta traha pa nan mes compania y no ta aparece
riba payroll pero ta haya pago bao di e capa di
‘servicio’.
Por pospone cierto cos, pero ta yega un dia cu bo
mester haci e gasto di tur manera. Gobierno ta
gañando su mes, y anos tambe, poniendo suma
den presupuesto cu no tin ningun relacion cu
realidad.q