Page 13 - AVP

Miembronan di management team di

Douane a entrega retiro

Posted on 02/4/2020 8:31 pm AST | Updated on 02/4/2020 8:49 pm AST

ORANJESTAD – E management Team di Cuerpo di douane a entrega retira
recientemente, debi na e situacion cu a surgi cu nombracion di un douanero den
funcion di inspector. Ademas noticiacla.com a compronde cu e proceso di
nombracion lo no a cana corecto, cual e director di Departamento di Recurso
Humano (DRH) Omaira Lares a acepta. Director di douane Ricky Croes a opta pa
no reacciona riba e asunto pa noticiacla. Sindicato di douane SADA mientrastanto
ta para ariba cu mester revoca e nombracion sino lo tin problema.

SITUACION

Rond di e nombracion, e sindicato a tene un conferencia di prensa diamars mainta,
repasando e ‘time line’ di e asunto di e persona en cuestion, sr P. y a mustra na final cu
un cantidad di persona a faya den e nombracion, cuminsando na e director Ricky Croes,
sigui pa e director di DRH Omaira Lares y gobierno cu no ta reaccionando riba e asunto.
A tilda e director di tando douane como esun di DRH di practica no integro.

REACCION

For di e director di DRH, e portal aki a compronde cu enberdad cosnan no a cana bon y
cu el a acepta e fayo cu a tuma lugar. Pero cu esey no ta motibo pa baha asina riba su
persona manera cu e presidente di e sindicato a haci. E lo reacciona mas riba e tema aki
den e dianan cu ta bin. Pa loke ta e director di douane Ricky Croes, el a comenta
solamente cu e presidente di SADA ta ‘exagera’ pero cu mas e no kier bisa riba e tema pa