Page 13 - AM210211

Diahuebs, 11 Februari 2021 AWEMainta 13

Como cu gerencia di N. V. Elmar no a cumpli

Sindicato Alvast ta sigui cu e caso sumario awe

Gerencia di Elmar cu a pidi sindicato Alvast pa wanta
cu e caso den Corte , y pa duna gerencia chens te
diamars atardi pa por papia cu Raad v. Toezicht y cu

Utilities
Directiva di Alvast a dicidi cu lo duna gerencia e
oportunidad, pero lo laga gerencia sa cu ta warda te

cu ayera diarazon mainta 10 or.
Mirando cu diarazon mainta gerencia di N.V. Elmar
no a reacciona n’e ora cu a propone, Alvast a dicidi
cu ta sigi cu caso den Corte. Un rato despues gerencia
lo a pidi Alvast pa mas tempo, pa dune chens te cu

atardi y lo informa Alvast via carta.

Raymond Maduro, Presidente di Alvast su reaccion

na gerencia tabata, cu si Alvast tin cu warda te
diarazon atardi, cu e decision ta pa kita/stop e
inhoudingen riba salario/beneficionan y cu si esey ta
caso, automaticamente Alvast lo para e caso hudicial,
pero gerencia di N.V. Elmar no a reacciona.

Banda di 2.30 diarazon atardi Presidente di Alvast
haña un mail di gerencia unda Elmar ta informa tur
empleadonan di Elmar cu lo suspende temporalmente

e medidanan di solidaridad (inhoudingen) di 12.6%
ariba condicionnan laboral di tur empleado. E
proposicion di e supension aki ta pa bay mesa y
negocia scenarionan pa yega na un protocol/acuerdo.

Di prome dia cu sindicato Alvast a sinta cu e Director
di Elmar y Hunta Comisario y cu Utilities, Alvast
a laga cu nan sa cu tanten cu no kita e decision

unilateralmente cu gerencia lo a laga kita e 12.6%
di salario/beneficionan for di trahadornan y cu si
gerencia no laga revoca e decision tuma, cu Alvast lo
pone nan responsabel, pa cualkier accion

Segun Raymond Maduro, Presidente di Alvast,
mirando cu gerencia no cumpli y cu ta papia di
suspende temporalmente e medidanan, Alvast a dicidi
cu ta sigi cu caso den Corte, y wak si nan abogado

por a entrega e verzoekschrift ainda.

Raymond Maduro a laga sa cu no ta cu intencion
di reacciona riba declaracion di President di STA,

Diego de Cuba, pero loke Presidente di Alvast kier
a bise ta lo siguiente: Mihor bo sali na defensa/
interest di e miembronan , y no na bo interest y cu
solamente den union, sindicato lo por logra trece

seguridad, stablidad, union ta haci forsa. Y n’esnan
responsabel (shopsteward) wak nan duna Diego de
Cuba informacion corecto , prome cu e core saca su
conclusion.