Page 26 - DESPA 15 JUNE 2017

Alex Schwengle: Ta considera tema di abuso contra hende
grandi como taboe

Wednesday, 14 June 2017 20:23
Comparti

Mundialmente dia 15 di Juni ta Dia di Abuso contra Hende Grandi y e dia aki ta uno pa conscientisa comunidadnan cu ta existi e aspecto di
abuso contra hende grandi.
E abuso contra hende grandi por compara esaki manera cuido mental, pasobra e ta un topico cu ta hopi taboe. Hopi hende no ta papia di dje
y hopi hende grandi no ta purba di bisa cu a abusa di nan den cualkier forma, pero Ministerio di Salud Publico sa cu e ta tuma luga.
Aki na Aruba no tin un cifra di abuso contra hende grandi. Minister Dr. Alex Schwengle ta kere cu ta bon pa cuminsa haci un investigacion
grandi pa haya sa con grandi e aspecto di abuso contra hende grandi ta. E punto aki falta atencion y Minister Schwengle ta na altura di e
problema aki, pero tin hopi cos ainda pa haci. El a priminti cu si e t’ey otro 4 aña mas e lo haci un analisis pa mira con grandi e aspecto aki
ta.
Tin suficiente hende den salubridad, unda cu tin un plataforma di cuido di hendenan grandi. Tambe tin un plataforma di informacion y
educacion di e pueblo. “Mi ta kere cu e 2 plataformanan lo haci uzo hunto cu e data ora di ricibi esaki, unda cu lo traha un plan strategico pa
mira con lo bay conscientisa pueblo cu e aspecto aki ta existi”, Minister Schwengle a elabora.
Tambe lo stimula hendenan grandi pa nan no keda keto pa bisa ora cu tin un abuso y zorg pe “check and balance” t’ey. Lo mester tin
hendenan cu ta cuida e hendenan grandi. Tambe tin instancianan cu por yuda hendenan grandi pa asina nan por proteha nan mes. Loke ta
mas importante ta cu nos hendenan como Arubiano realisa y puntra pakico bay asina leu, si opta pa no haci abuso contra hendenan grandi.
“Pa nos tin respet pa nos grandinan, tin pasenshi pa nan. Un hende grandi ta rekeri un tiki mas pasenshi, pasobra nan pasenshi a bira
menos, por ta nan ta irita mas lihe, por ta nan ta irita pa motibo cu nan por tin un dolor cronico of e mente a bay un tiki atras y nan ta
bruha”, Minister Schwengle a duna di conoce.
Tur hende mester ta mas consciente cu e grandinan tin rason pa kico ta perde pasenshi cu nan. Mester realisa pa no perde pasenshi cu nan y
tur hende mester mira pa ta mas grandi cu esey. Tambe duna respet y amor na e grandinan.