Page 30 - DESPA 15 JUNE 2017
P. 30
DOLOR DI HOREA
POSTED ON JUNE 14, 2017, 4:52 PM
4 MINS
POST VIEWS: 5
ORANJESTAD, Aruba
Dolor di horea por ta ocasiona pa eczema den horea of un prop den horea. Tambe e por ta
ocasiona pa un infeccion den e hora meimei. Esaki generalmente ta consecuencia di un
verkoud. E sintomanan di infeccion di e horea meimei ta: dolor di horea, e sintomanan
manera cu bo tin un pop den horea y keintura. Tin biaha awa ta sali for di e horea.
Cerca Mucha
Ora mucha chikito tin verkoud, hopi biaha nan ta haya un presion leve riba nan horea. Esei
ta pasobra e conexion entre e nanishi y e horea meimei (e tubo di Eustakio) ta cera. E tubo
aki, mescos cu e nanishi, ta cubri pa un flishi di slijm (mucosa). Ora cu e flishi di slijm aki
hincha pa motibo di verkoud, e slijm produci eiden no tin caminda pa sali. Esaki ta pone
presion riba e horea y e ta ocasiona dolo. Despues di un par di dia e flishi di slijm (mucosa)
ta baha atrobe, anto e slijm acumula ta haya caminda pa sali. Tin biaha tin bacteria ta
acumula den e slijm.
E kehonan no ta pasa e ora ei. Frecuentemente tin un likido vies ta sali via e nanishi. E
slijm acumula den e horea por kibra sali dor di e tambu di horea. E ora ei ta papia di un
horea cu a core. Den algun caso e infeccion ta manifesta su mes apenas ora pus sali for di
