Page 33 - DESPA 15 JUNE 2017

DVG tabata encarga pa e bienestar di e bestianan ilegal, te
ora cu a yega momento cu nan mester a bay bek

Wednesday, 14 June 2017 20:25
Comparti

Tin un grupo hunto cu esunnan di cacho cu tambe a yega Aruba den un forma ilegal, cual tabata e animalnan exotico.
Nan ta bestianan cu ta sali riba e lista di Cites. E bestianan aki no ta di Aruba. Segun director di Salubridad Publico, Jerry Staring, na
momento cu e barco cu contrabanda a yega Aruba, ta Douane, Kustwacht y Ministerio Publico a tuma tur cos den beslag y DVG, den forma
di Servicio Veterinario, a percura pa e tarea pa cuida e bestianan y tuma responabilidad riba e bestianan. Si haya sa cu mañan Cuba, a
contrabandea 20 cascabel di Aruba, ta di Aruba na ta keda y ta bay busca nan bek. Asina Venezuela tambe a laga sa via e consulado cu e
bestianan cu ta procedente di Venezuela, of por lo menos a bin va Venezuela, nan kier busca nan bek. Esey ta un proceso no mucho facil,
pasobra tin cuenta cu transporte, tin cu tene cuenta cu e estado di salud, tin cu tene cuenta cu tur e tempo cu e bestianan tabata na Aruba, a
duna hopi di nan banda. Ta pidi cooperacion di tur forma. DVG ta hopi gradicido na esunnan cu a cuida e bestianan. Awor aki ta den
proceso hunto cu Consul di Venezuela y Ministerio Publico di Venezuela, pa mira con por percura pa e bestianan regersa n a e pais for di
unda nan a bin, finalmente prome cu nan Aruba. E ta un proceso cu tin cu haci cu hopi cautela, pero e intension ta pa e bestianan bay bek
mas lihe posibel. Nan a bin cu un experto, un biologo cu a papia na DVG, sevicio Veterinario, cu a bay wak e bestianan y nan a informa
tambe na ki manera e bestianan, ora nan bay bek Venezuela, lo wordo cuida y kico nan tin pensa di haci e bestianan. E programa di
reintegracion cu nan tin, nan tin experiencia den dje. Nan a splica cu nan tin full un departamento cu tin di haber cu casonan asina di
contrabando di bestia. Nan a splica cu na Venezuela, e bestianan manera un ocelot of un jaguarundi, tur e bestianan ta wordo uza como un
estilo di placa den baho mundo. E ta un negoshi hopi grandi na Venezuela. Nan tin hopi experiencia di repatria e bestianan aki for di
diferente pais y nan tin sistema, programanan special diseña pa maneha cu e bestianan cu ta bin bek. Bestianan cu ta traumatisa, bestianan
cu tin cu wordo siña di nobo, con pa ta un bestia atrobe, cu ta capas di cuida su mes, si en caso cu no por cuida den un setting apropia. Pero
nan tin full un sistema cu ta maneha cu casonan similar.

Reglanan
Staring a splica cu tin gasto cu a wordo haci door di esnan cu a take care di e bestianan. DVG ta bezig ta wak, hunto cu e cuidadonan di
bestia, con por yega na nan. Nan a duna di nan banda, pues ta purba di wak con por percura pa nan no haya daño, pero ta algo cu no a sali
for di dje completo ainda. E transporte ta bay di gastonan di Venezuela, pero e resto di gasto tin cu delibera un tiki mas y wak ta den ki
forma por yega na otro.

Ki dia nan ta bay

No tin un fecha ainda, pero mas lihe posibel. Esnan cu ya caba cu a haya un cariño pa e bestianan, ta dispuesto pa laga nan bay. E
personanan cu a percura pa e bestianan aki, despues di tanto luna, claro nan a haya un cariño pa e bestianan, a cuidanan cu hopi amor y
profesionalismo, no ta algo facil. Ta asina si cu na momento cu e bestianan a drenta Aruba, tabata tin contacto cu nan y nan tabata sa cu un
dia e bestianan tin cu bay bek. Nan ta compronde esey y pesey tambe DVG ta wak un manera con por percura pa nan por lo menos haya un
compensacion financieramente, pa nan no bay atras den e cuido di e bestianan aki.

Rol di DVG

E personanan cu a contrabandea e bestianan aki, ta un investigacion cu ta cay full bao di Ministerio Publico, DVG ta haci solamente e parti
di animalnan