Page 94 - MIN TTC 7 MAART 2016

Minister Otmar Oduber a bishita FG Restaurant na
Rotterdam

Sunday, 06 March 2016 20:08
Comparti

Despues di un apertura exitoso di "Gezichten van Aruba" na Hilversum Museum, Minister Otmar
Oduber a probecha e ocasion pa bishita un di e tres restaurantnan di chef Francois cu ta sali di famia
Richardson di Lago Heights.
Un hoben Arubiano cu awor ta doño di su propio tres restaurantnan na Rotterdam y ta unico chef na
Hulanda cu dos di su restaurantnan ta carga e prestigioso reconocimento di Michelin Stars. E restaurant
unda e mandatario a come ta e restaurant cu tin 2 Michelin Stars y chef Francois tin un otro restaurant
cu den e prome 6 luna di apertura oficial a logra su prome Michelin Star. Minister Oduber a combersa cu
e chef/propietario di e restaurantnan y a expresa e orguyo cu Aruba tin pa cu yiunan di tera cu ta destaca
den exterior. Francois a probecha e ocasion pa expresa na Minister Oduber su deseo pa habri un
restaurant na Aruba. Sr. Oduber ya caba a dialoga cu e chef riba posibel localidadnan. Francois ta bishita
nos isla 2 biaha pa aña y ta entusiasma cu e posibilidad pa tin un sucursal di su restaurantnan na e isla di
su origen.

http://www.24ora.com/local-mainmenu-5/106057-minister-otmar-oduber-a-bishita-fg-restaurant-na-
rotterdam