Page 97 - MIN TTC 7 MAART 2016

Organisacionnan prominente di turismo ta ricibi consehonan
valioso for di Conseho di Muchanan

Sunday, 06 March 2016 17:29
Tweet
Comparti

Organisacionnan di e sector turistico di Aruba a keda hopi impresiona pa e caracter practico den
funcionamento y consehonan detaya di cada un di nan Conseho di Muchanan (Raad van Kinderen). Seis
organisacion prominente ta participa cada un cu un klas di studiantenan como nan Conseho di
Muchanan na un proyecto special. E resultadonan di nan prome investigacionnan a keda presenta siman
pasa.

Banda di e balor agrega cu e ehercicio aki tin pa e companianan, e ta tambe pa e docentenan y e
hobennan un experiencia unico pa ta participante na e Conseho di Muchanan. "Nos ta yudando e futuro
cu nos tur ta biba aden", asina Daniel Jones (11) di Pieter Boerschool a expresa.

Cada organisacion tin su mesun Conseho di Muchanan, cual ta consisti di un klas di scol. E scolnan cu ta
participa ta un seleccion varia di ful Aruba. Siman pasa cada Conseho di Muchanan a presenta nan
consehonan na e organisacion cu nan ta trahando cun'e. Durante di e lunanan cu a pasa, cada Conseho di
Muchanan a haci investigacion basa riba un cuestion presenta na nan pa e organisacion. E fase di
investigacion aki a consisti di entre otro bishitanan di trabao na hotelnan, aeropuerto y e terminal di
barconan crucero, y entrevistanan cu trahadonan y funcionarionan di e organisacionnan.

Basa riba e temanan, e consehonan a encera solucionnan practico como tambe un bista mas profundo
den por ehempel "compensacion y comunicacion na pia di trabao", "comportacion consciente pa cu
medio ambiente" y "con pa atrae hobennan pa forma parti di e sector turistico".

Prinses Laurentien, kende a funda Raad van Kinderen, a expresa "E resultadonan na Aruba tambe ta
impresionante. E muchanan aki tambe ta change-agents cu nan capacidad intelectual creativo. E ta keda
na nos como adulto pa duna nan e espacio y pa tuma nan na serio pa nan por forma parti di e
solucionnan. Esaki ta mas cu logico, pasobra loke nos ta dicidi awe, ta concerni nan bida tambe, awo y
den futuro".

Cada organisacion awo ta bay traha hunto cu nan Conseho di Muchanan, pa implementa e consehonan.
E proceso ta wordo guia pa e team di proyecto Kids Council Aruba

E Conseho di Muchanan a un iniciativa di Missing Chapter Foundation (MCF). Desde 2014 MCF y Unicef
Nederland ta trahando hunto pa percura pa mas tanto organisacion posibel implementa un "Raad van
Kinderen". Di e forma aki muchanan ta haya un stem y un cara na un manera structura den e proceso di
tuma decisionnan.

E introduccion amplio di e proyecto ta wordo haci posibel pa Nationale Postcodelotterij y na Aruba pa