Page 65 - HOH

Raymond Knops Contento Cu E Rol Cu IMSAN Su

Centro Por Hunga P’e Region

 Local
- 14/01/2020

Minister Raymond Knops, di Asunto Interior y Relacion di Reuno, tabata di bishita na
Aruba. Ademas di combersacionnan cu Gobernador y Prome Minister, e mamdatario
tambe a tuma nota di trabounan di e.o. Fundacion pa Hende Muhe den Dificultad
(FHMD), Monumentenzorg y Instituto Medico San Nicolas (IMSAN). E bishita aki ta
parti di un biahe di trabou p’e islanan Hulandes e siman aki.

Durante e bishita na FHMD a para un rato na e trabou importante cu ta wordo realisa
eynan pa ricibi hendenan muhernan vulnerabel y nan yiunan.

Hulanda, por medio di e “rijspakket” pa brinda apoyo na Venezuela un subsidio, pa
amplio e “opvang” di diescinco pa cuarenta persona.

Knops: “Mi ta hay’e hopi escencial cu nos ta brinda un apoyo di e grupo vulnerabel aki
(ofrece nan un lugar di keda), unda cu ta opera segun standardnan internacional.”

E fundacion aki ta percura pa ricibi victimanan femenino di contrabanda di hende y
violencia domestico.

“FHMD” den esaki ta haci un trabou masha importante. Mi ta contento cu nos como
Hulanda por contribui na ampliacion di e capicidad di e centro aki y opleiding di e
personal.”