Page 66 - HOH

MONUMENTONAN
Bou guia di Director di Monumentenfonds a haci bishita na e.o. e forno di kalki restaura,
den centro di ciudad. E monumento aki y algun otro otro monumentonan a haya ayudo
por medio di fondonan di Fondo Desaroyo di Aruba.

Knops: “Mi kier felicita Stichting Monumentenfonds Aruba cu finalisacion exitoso di nan
proyecto. Ta di gran importancia pa nos sigui inverti pa conserva historia di e pais aki.”

CENTRO MEDICO PA REGION
E provisionnan medico na IMSAN ta un servicio extra p’e poblacion di Aruba y otro
paisnan den region.

IMSAN den esaki a scoge pa ofrece specialisacion riba algun tereno, manera dialisis di
rionnan y tratamentonan radiologico.

P’esaki ta trahando riba un centro special cu ta bay ta disponibel pa otro paisnan den
region tambe.

Knops: “E facilidadnan medico ta un adicion riba loke ta ofrece na Aruba caba. Esey ta
bon p’e pashentnan di Aruba y cuponan di trabou. Mi ta spera cu e centro aki por hunga
un rol central, den e cuido medico specialisa pa region.”

Den e conferencia di prensa mes e mandatario a bisa cu durante reunion cu Gobierno a
papia riba e finanza di Aruba, e relacion entre Hulanda y Aruba y e forma di cooperacion.

El a bisa di ta satisfecho con e situacion ta bayendo, pero cu mester sigui traha hunto pa
bay dilanti. Y esaki tin biaha ta nifica tuma medidanan necesario pa logra un economia
creciente.

Si logra esey, e ta crea mas cupo di trabou y mas entrada pa Gobierno por cubri su
gastonan.