Page 28 - flip min.vos

DIALUNA 2 MAART 2015 DIARIO
Diabierna mi a conversa cu un colega cu poco prome
a core bay cumpra su lotto 5
Den e conversacion mi a bise cu mi no a cumpra Lotto 5 y si mi
numbernan sali, e ta hacimi nada di dolor. Ta mi mala suerte ! Mi
a scucha un defensa pa a cumpra of no y cu lo a influencia otro
hende di percura pa cumpra su loto henter su bida sin gana un
cent nunca. Berdad ta cu mi ta cumpra ora mi por, tur diamars y
diabierna y si e premio di lotto ta halto y mi tin beis pa cumpre.
Ta pasobra mi difunto señora tabata tin su numbernan vast cu e
tabata hunga semanalmente. Mi a sigui cumpra esakinan ya cu
esey tabata su placer.
E otro topico ta esaki: Mi a lesa cu Minister Dr. Alex Schwen-
gle mester di 1 miyon florin pa su ministerio, aunke ta mas e
mester, pero por lora cu e prome 1 miyon.
Mi a ripara tambe cu tabata tin ganador di e Minimega plus y cu
e suma pa Lotto 5 a yega na 1 miyon. Mi a pensa mes ora riba
Dr Schwengle.
Di con Lotto no por bisa cu “na nomber di cumpradornan, awe
ta regala e ministerio e placa cu e mester di urgencia” y cu e
wega di diaranzon awor ta cuminza di nobo na........ x florin.
Abrenuncia....!!! Ta tur cumprador di lotto lo maldiciona mi pa a
bisa asina. Con mi por laga esey pasa net awor cu nan ta cla pa
gana e premio gordo?
No por!! Mi lo haya tur e perdedornan cu NUNCA a hunga lotto
ta haci mescos y mi lo no tin un bida trankil riba e isla aki mas.
Bon! Un hende a gana Minimega diabierna y atrobe no tabata
ami.
Pa gana Minimega of Lotto bo tin cu cumpra.
Como cu mi no tabata tin ticket, esey kizas ta e motibo grandi, cu
mi no a gana -- y esey ta e probabilidadnan di perde of gana.
Mi nunca a compronde e encanto di wega di placa.
Obviamente mi no ta un tumador di riesgo y esey ta berdad. Lo
ta hopi ridiculo pa sigui contribui na un vicio di cual bo ta tende, pa algo necesario y sano.
“posibel..... un dia...... kizas..... .
Mi conoce hendenan cu ta bay te Las Vegas y Atlantic City na
Merca pa hunga placa den “Casi NO”. Nan a bisa cu “esey ta
djis un sorto di entretenimento. Ta masha entreteni pa trata
na gana!”
Nan ta recomenda pa bo pone placa un banda. Tanto placa cu lo
bo por gasta sin yora esaki mañan, despues cu bo a perde tur cos
y dicidi di stop di hunga placa.
Unico cos ta cu na Aruba bo no por pone e suma riba e parti di
“gasto di entretenimento” cu no tin riba papel di belasting.
Mi tin masha rabia riba publica foto di hendenan cu gana pre-
mio.
Awor a bira cu ta inicial nan ta pone y pa mantene nan incog-
nito, tin ora hasta a menciona cu nan a gana cu number di edad
di tal y tal y di nan adres di cas, Coba Wea 17. Nan ta bay paga
debenan, cumpra cas nobo, haci viahe crucero, bay cu vacasion,
duna miles na obranan di caridad etc.
Mi semper a bisa pa no puntra mi, pasobra ta for di asunto di tur
hende kico mi ta haci cu mi placa.
Pero pa promove ganamento di placa, MESTER di e potret pa
publicacion.
Unda mi potret ta despues di tanto aña ta perde 50 florin pa siman
como nunca mi a gana un cent y nan si a gana mi placa?.
PAGINA 23
Shon Tjodor a gana y ta conta cu e ta hunga tur siman y no por
a kere cu el a gana.
Carai! te ainda mi no tabata tin e placer di bisa asina.
Ta un persona so mi conoce cu a yega di gana e tanto cien mil.
Mi no conoce un ganador cu a bisa mi cu su bida a cambia pa
bon desde cu el a gana (ni cu su bida a cambia pa tur locual ta
negativo den bida).
Na television so bo ta mira esaki cerca esnan cu a gana decenas
di miyon dollar.
Mi no por bisa tampoco cu mi conoce nan y cu mi lo djis mishi cu
nan, pa algo di nan suerte keda pega riba mi.
Tin hende cu tin numbernan di SUERTE cu nan a hunga cu cada
wega.
E numbernan ta di asina un suerte grandi cu NUNCA nan a gana.
Nan ta bisabo si cu ta nan numbernan di SUERTE. Si e number-
nan ta di suerte, di con nan no ta gana?
Mi ta kere cu scogiendo bo mes number ta un manera di tin con-
trol riba algo cu en berdad bo no tin control di dje.
Un amigo a bisa cu Lotto loco of Minimega (plus) loco ta mes
bon cu ora bo scoge bo mes numbernan. Mi no ta kere asina.
Pero, no ta importami kende tin razon. Nos tur dos a perde.
Mi n’ ke drenta mes den e dilema moral si pustamento di placa ta
bon of malo ya cu tur hende tin su propio opinion tocante esaki.
Esnan cu di berdad ta contra moralmente, hopi biaha ta bisa cu
no ta e pustamento di placa riba su mes ta malo, pero e hecho
cu e por kita necesidadnan y ta bira un adiccion.
E adiccion a pone cu bo ta gasta placa cu bo no tin. Esakinan ta
argumentonan cu ta duro pa bay contra.
Naturalmente esnan cu ta gusta pusta placa semper por hustifica
e uso di e placa di parti di e Loteria y bisa cu e ta un contribucion
Tur placa pusta ta wordo gasta pa subsidia deporte na Aruba,
segun NAN ta bisa.
Lo no dura mucha cu nos lo tin e mihor deportistanan di mundo
riba tur tereno deportivo den weganan olimpico y campeonato-
nan mundial.
Bon! Minimega (plus) a cuminza di nobo pa e siman aki. Un
hende a gana diabierna. Un hende cu suerte a gana bon algun
cien mil y atami aki cu speranza di logra un “cachi cachi” mañan
anochi.
Mi ta kere cu esey ta e atraccion di tur cos: e speranza, e opor-
tunidad y e kerencia cu un hende lo tin suerte di dal e premio
grandi. Kizas mi tin cu contribui na deporte e siman aki..
Ken sa? Kizas esaki ta mi siman.
Lagami mira, cual ta mi NUMBER DI SUERTE? Si mi lectornan
no mira e columna aki for di diaranzon en adelante e siman aki,
nan lo sa kico a pasa. Mi lo ta gosando di un vacasion na Alaska,
of na Siberia.
Ta un cos so tin cu ta stroba mi di gana. Esey ta leynan di proba-
bilidad.
Pensando mas leu, kizas lo ta mihor pa mi spera te ora cu e Mini
Mega y e Lotto 5 bira mas tanto. Si mi tin intencion di tira mi
placa afo, lo ta mihor pa warda te ora tin e Super Jackpot unda
mi chens pa perde a bal mas tanto placa.
Juby Naar