Page 57 - flip min.vos

Pitcher # 1 riba ranking mundial Ramon Jones lo
ta na Aruba pa train contra seleccion nacional
masculino di softball

· Mar 1st, 2015
· Deporte

Aruba Softball Bond den continuación di su programa preparando nos seleccion nacional masculino pa
ECASC Championschip, cual ta e competencia entre islanan den Caribe cu lo tuma lugar na Nassau
Bahamas 25-30 Maart proximo, ta subi e nivel di preparacion un trapi mas ariba. Aruba Softball Bond a
contracta y ta confirma cu e pitcher # 1 riba ranking mundial Ramon Jones a confirma di lo bin Aruba pa
aporta y contribui na e desaroyo di selecion nacional. Ramon Jones lo lansa minimo 3 wega entre dianan
13,14,15 di Maart contra seleccion den preparacion. Unico manera pa bo adapta na bati tipo di picheo di
nivel mundial ta fogeando y brindando bo atletanan e oportunidad di mira e picheo aki mas y mas.
Exactamente locual Aruba Softball Bond a pone den su programa di preparacion y orguyosamente por
bisa cu tur cos ta cla y Ramon Jones lo yega Aruba 13 di Maart den oranan di mainta y lo lansa minimo 3
partido contra nos seleccion. Aruba Softball Bond mes ta forma un ekipo di hobennan unda Ramon
Jones lo tira pa e ekipo aki contra e seleccion nacional. Mas cu claro esaki lo ta un estimulo pa nos
hobennan por forma parti di un ekipo cu Ramon Jones como nan pitcher. Durante weganan di fogeo tur
seleccionadonan lo mira accion lo mas tanto posibel contra Ramon Jones pa asina custumbra cu e
picheo aki. Aruba Softball Bond ta contento di por a keda cla cu e parti aki di nan programa y sigur e
weganan aki lo ta di gran balor pa nos atletanan kendenan ta trahando duro y ta mik awor riba un
medaya pa nan pais Aruba.

http://masnoticia.com/pitcher-1-riba-ranking-mundial-ramon-jones-lo-ta-na-aruba-pa-train-contra-
seleccion-nacional-masculino-di-softball/

GKMB semper tey pa coopera, educa y preveni
criadero pa full rond di nos isla

· Feb 28th, 2015
· Local