Page 10 - AM211008

10 AWEMainta .com Diabierna, 08 October 2021

Parlamentario Darlaine Guedez-Erasmus (MEP):

Comision Fiho di Cuido di nos Grandinan

ta bay traha na bienestar di nan

Pa prome biaha ta decreta luna di october
2021 como luna di Adultonan Mayor/60+.
Aruba lo celebra esaki durante henter

luna.
Na Aruba tin 25 mil adulto mayor y hopi
bes t’e grupo aki t’esun mas vulnerabel
den nos comunidad, por ehempel dor di

soledad, problema fisico y mayoria persona
cu a fayece durante Covid ta adulto mayor.
Meta di e luna aki ta pa pone extra atencion
na nos adultonan mayor.

Riba nan retonan di bida, loke ta bayendo
bon y iniciativanan nobo basa riba nan
bienestar. Y tambe p’asina pueblo completo

por demostra con hopi nos ta aprecia nos
60+, segun Darlaine Guedez-Erasmus di
fraccion di MEP.

Ta importante pa informa pueblo cu
tin un schedule disponibel cu diferente
actividad durante luna di october.
E actividadnan aki ta ensera brinda

informacion, actividadnan recreacional,
momentonan di haci pregunta y tur esaki
ta wordo organisa pa diferente instancia y
fundacionan.

Parlamentario Guedez-Erasmus ta
menciona cu e ta hopi contento cu a
decretal luna di october como luna di
Adulto Mayor, pasobra e ta di opinion cu

hopi bes nos ta lubida riba nos grandinan.

Bisando esaki Parlamentario Guedez-
Erasmus ta menciona cu su persona lo

presidi e Comision Fiho di Cuido di nos
Grandinan den Parlamento. E ta sinti cu
esaki sigur ta un oportunidad pa traha
duro p’asina garantisa un mihor calidad di

bida pa nos adulto mayornan, pa medio di
leynan cu ta na nan bienestar tambe.

“Mi kier felicita tur Adulto mayor cu nan

luna special y gradici nan pa t’esnan
cu a yuda construi nos Aruba/nos pais.
Danki Gobierno di Aruba y instancia/
fundacionnan cu a haci esaki posibel.

Ban celebra e luna aki engrande y ban sigui
balora nos adulto mayor!” Parlamentario
Guedez-Erasmus ta termina bisando.