Page 30 - UTILITIES

nan bin trece cosnan dilanti, tin hopi berdad den locual cu nan a trece dilanti y analisando

cierto cosnan, STA a bisa cu e cos aki ta hole tiki stinki banda di Elmar. Ta un di e

motibonan pakico e trahadonan a bisa cu no por continua cu e gerencia aki. E gerente aki

por ta no tin cu bay su so. Por ta tin dos of tres mas cu tin cu bay hunto cun’e. Mester bin

un limpiesa pa mira con ta bay pone e cos aki draai di nobo y draai un manera cu tur

empleado di Elmar por ta satisfecho, tur hende por bay trabao bek cu un sonrisa riba nan

cara, cu un trankilidad.

Tin hopi cos. A hisa benta por ehempel empleadonan di storingsdienst aki aya. Asina aki

no ta manera, segun de Cuba. No ta manera pa trata empleado. Ta sinti cu e tension ta

bay ta creciendo. Rato rato e lo bay bira hopi halto. A bisa caba cu STA no ta descarta e

posibilidad den un accion. Si e accionnan lo ta limita. No kier perhudica ningun
ciudadano, ni ningun negoshi y pio ainda, no kier perhudica no turismo pavia di un

persona of e kliek cu tin eyriba. STA ta den deliberacion cu nan abogado pa mira con ta

bay hinca e carta aki den otro precisamente pa wak ta ken su decision e ta bay ta pa

manda e carta, sea ta pa gobernador of sea ta pa minister di labor. Den e caso di Elmar

kier intermediacion di un otro mediador. Mirando e hecho cu e mediador no a logra sali

for di e impasse. Ta for di September aña pasa ta tratando pa sali for di e impasse.

Lamentablemente ainda no a logra sali for di e impasse aki. E ta tumando demasiado

tempo y kier mira un punto final tras di esaki. Si tin un otro gerencia y por sinta e ora

eynan, por habri e CAO for di otro. Esey no lo tin ningun problema. Por bin cu adendum

den un CAO. Tanten cu gerencia y sindicato STA bay di acuerdo, tur cos por ta cambia

den e CAO. Ta un hecho y asina ey e ta. Cuenta cu no por cambia un contracto colectivo,
no mester kere. E por wordo cambia, si ambos partido bay di acuerdo. Asina ey e ta,

segun de Cuba.